USA-me „bîbilip ukiua“

USA-p præsidentia, Ronald Reagan, nalunaerpoĸ 1983 inuiaĸatigîngne táukunane „bîbilip ukiua“nik taineĸásassoĸ, isumaĸatigĩssut kongressime inatsissartoĸatigît mardluk tamarmik akuerissât atsioramiuk. isumaĸatigĩssutip taivâ „nuname tamarme bîbilip ajoĸersûtainik atuarĸigsârnermik maleruainermigdlo atorfigssaĸartitsineĸ“. „aulajangerniarta tusardliússat agdlagsimassut angnerpârtât, Gûtip oĸausia, bîbile, angúsavdlugo, ilíniásavdlugo maleruarniásavdlugulo,“ præsidente oĸarpoĸ. „ĸúpernerine navssâgssáuput ajornartorsiutit inuit atugarisimassaisa tamarmik ârĸĩssutigssait.“

taimatut oĸautsimigut præsidentip Reaganip erssersípâ bîbilimik agdlagtup Paulusip erssersitâ agdlagkame: „agdlagkat tamarmik Gûtip anersârneranik ilagdlit atortugssáupútaoĸ ajoĸersûtauvdlutik inerterĸutauvdlutigdlo iluarsiartûtauvdlutigdlo . . . inuk Gûtip pigissâ ineritdluarĸuvdlugo ajúngitsuliornermutdlo tamanut pigínãngorsagaorĸuvdlugo.“ (2 Timûtiuse 3:16, 17) kisiáne kongressip isumaĸatigĩssutâne agdlagsimassoĸ neriugalugo bîbile iluaĸutigineĸásassoĸ „inuiaĸatigîgsut inuiaussututdlo nakússagtíneĸarnigssavtínut“ piviussúngornaviarunángilaĸ. bîbilimit pâsineĸarsínauvoĸ Gûtip nâlagauvfia taimâgdlât pivdluarĸússutigssanik inuiangnut tamanut erĸússisínaussoĸ. bîbilip tusardliússâ nautsorssũssáungilaĸ ’inuiaĸatigît inuiaussutdlo atausĩnait’ nakússagtíneĸarnigssãnut, inuiaĸatigîtdle tamaisa Gûtip nâlagauvfiata nâlagáussusiata atâne atausíngortísavdlugit. — Isaia 2:2-4. (wD 15/7 83)