palasit Jonas pivdlugo isumât

Jûnamik agdlagkat „pisimassuviussunik oĸalugtuatut issigineĸartugssáungivigput“, Timo Veijola, finlandimio gûtisiornermut túngassunut doktoriussoĸ oĸarpoĸ. oĸaloĸatigineĸarnermine dr. Veijola oĸarpoĸ Jûnamik agdlagkat „’Gulliverip angalaneri’sut imalũnît ’Don Quixote’tut piviussunik túngaveĸángitsigissut. atuagkiarineĸartut ĸanoĸ iliornere mitagdlerpalugtumik oĸalugtuarineĸarput, pisimassutdlo ĸuianáinartut ugpernángivigsutdlo ersserneruvdlutik“.

gûtisiornermut túngassunik ilíniarsimassup táussuma Jesus Kristus, nuname inũngíkatdlarame piunermine Jonasip misigisimassainik issigingnigtûsimassoĸ, isumaĸatiginerpâ? oĸalugtuaĸ taúna Jesusip ’mitagdliutitut’ „ugpernángivigsut“utdlo issiginerpâ? Jesusip issigingnigtûsimanine sujuligtûtiminik oĸalugtuarnermigut erssersípâ: „sôrdlume Jûna uvdlut pingasut únuatdlo pingasut imarmiorssûp iluanĩtoĸ, taimátaoĸ inûp ernera uvdlut pingasut únuatdlo pingasut nunap iluanĩsavoĸ. Nînivimiut erĸartũssivingme sarĸúmerumârput erĸardlerît uko ilagalugit pitdlagagssautísavdlugitdlo, Jûnap oĸalũssineragut avdlamik isumatâramik.“ (Matîuse 12:40, 41) Jesus Kristusip makínera Jonasip aulisagarssûp iluanit aniguisitauneratut piviutigaoĸ. kinguârîtdlo Jonasip oĸalũssineranik tusartut kinguârîgtut Jesusip oĸalũssineranik tusartutut piviutigisimásáput.

dr. Veijola, bîbilimik finlandimiutûmik nutâmik nugtereĸataussoĸ, ássigalugo palaserpagssuit gûtisiornermutdlo túngassunik ilisimatôrpagssuit Jûnamik agdlagkat piviussûnerat ĸularât. Jonas pivdlugo oĸalugtuaĸ ugpernángivigsũngilaĸ, erĸumêĸaordle palaseĸarmat bîbilimik nugterissunik táunalo túngavigalugo ajoĸersuissunik, nauk nangmingneĸ bîbile Gûtip oĸausiatut isumagssarsiarineĸartutut issigíngíkaluardlugo. (wD 1/1 83)