Naggasiut

1, 2. Sooq maan­nangaaq up­per­nermik ineriar­tor­titsisariaqar­pugut? As­sersuuteqarit.

UP­PER­NEQ. Oqaaseq taan­na nuan­nersoq pis­suserineqar­tus­samut nuan­nersumut ator­neqar­tar­poq. Oqaaserli al­la una aam­ma eq­qarsaatigisariaqar­par­put: “Pingaaruteqarluin­nar­toq!” Up­persuseqan­ngik­kut­tami up­persuseqaler­nis­sar­put pingaaruteqarluin­nar­poq. Up­persuseqarut­talu up­per­ner­put paaril­luar­tariaqarlugulu ineriar­tor­tit­tariaqar­par­put. Sooq?

² Takorlooruk inoqajuitsuk­kut isorar­tuuk­kut angalal­lutit. Imeq pisariaqar­til­luin­nar­pat. Imeq nas­saat seqinermit tis­sor­tin­neqan­ngin­nias­sam­mat sis­suer­tariaqar­pat. Or­nik­kan­nut apuun­nis­savit tungaanut naam­mat­tumik imis­saqar­nias­sagavit imerfiit arlaleriarlutit im­meq­qit­tariaqar­pat. Ul­lumik­kut silarsuarmi anersaak­kut inoqajuitsutut it­tumi up­per­neq ilumoor­toq – imer­tut it­toq – qaqutigoor­toq sis­suer­neqan­ngik­kuni im­mer­neqan­ngik­kunilu tis­soriaan­naavoq. Inuuin­narumal­luta imermik pisariaqar­titsinitsitut up­persuseqan­ngik­kut­ta anersaak­kut toqus­saagut. – Rom 1:17.

3. Up­per­nitsin­nik ineriar­tor­titsinias­sagat­ta Jehovap sunik tunivaatigut, suul­lu marluk eq­qaamas­savavut?

³ Up­per­nermik pisariaqar­titsil­luin­nar­ner­put tamatumin­ngalu ineriar­tor­titsinis­sap up­persuseqar­tuar­nis­sal­lu ajor­nakusoor­nera Jehovap nalun­ngilaa. Qular­nan­ngitsumik taman­na pis­sutigalugu maligas­satsin­nik tunivaatigut. Jehovap apustili Paulusi isumas­sarsisil­lugu ima al­latsip­paa: ‘Malin­niarsigit up­per­nik­kut nikal­lujuin­nik­kul­lu Guutip neriorsuutigisaanik kingor­nus­sisus­sat.’ (Hebr 6:12) Taman­nalu pis­sutigalugu angutit ar­nal­lu up­perluar­tut, soorlu atuak­kami matumani eq­qar­tor­neqar­tut, ilaar­nis­saan­nik Jehovap peqatigiis­sor­taanit kajumis­saar­neqar­tar­pugut. Taavami maan­na qanoq ilius­saagut? Uku marluk eq­qaamas­savavut: (1) Up­per­ner­put nakus­satsit­tuar­tariaqar­par­put; (2) neriuuter­put eq­qarsaatigiuar­tariaqar­par­put.

4. Saatanip up­per­nermut akeraanini qanoq ersersip­paa, taamaat­torli sooq nikal­lus­san­ngilagut?

⁴ Uppernerit nakussatsittuaruk. Saatani up­per­nermut akeraavoq pis­saanilik. Silarsuup naalagaata up­persuseqaler­nis­saq saper­narsisin­niarlugu pis­sutsit aaq­qis­suus­saanerat man­na anersaak­kut inoqajuitsun­ngor­tip­paa. Taan­na uagutsin­nit nukit­tunerungaar­poq. Taman­na pis­sutigalugu misigilis­saagut up­per­nermik ineriar­tor­titsisin­naanatalu nakus­satitsisin­naanata? Naamerluin­naq! Jehova ilumoor­tumik up­persuseqalerusut­tunut tamanut ikin­ngutaavoq pis­saaneqar­ner­paaq. Ikior­tigigutsin­ni Diaavulumik akiuisin­naanitsin­nik al­laal­lu qimaatitsisin­naanitsin­nik neriorsor­paatigut. (Jaak 4:7) Ul­lut tamaasa up­per­nitsin­nik nakus­satsitsinitsigut ineriar­tor­titsinitsigul­lu Diaavulu akior­tar­par­put. Qanoq?

5. Angutit ar­nal­lu up­perluar­tut Biibilimi eq­qaaneqar­tut qanoq up­persuseqaler­pat? Nas­suiaruk.

⁵ Sam­meriik­katsitut angutit ar­nal­lu aalajaatsut Biibilimi eq­qaaneqar­tut inun­nguuseralugu up­persuseqan­ngil­lat. Jehovap anersaava il­ler­nar­toq up­per­nermik ineriar­tor­titsisar­tuusoq inuunermik­kut ersersip­paat. (Gal 5:22, 23) Qinunik­kut ikioq­qusarmata Jehova up­per­neran­nik nakus­satsitsiuar­poq. Taak­kunatut eq­qaamajuar­tigu ikioq­qul­lutik qinusut qin­nutitil­lu naaper­torlugit iliuuseqar­tar­tut Jehovap anersaaminik naam­mat­tumik tunisarai. (Luk 11:13) Aam­ma al­latigut iliuuseqarsin­naavugut?

6. Biibilimi oqalut­tuanik atuaq­qis­saar­ner­put qanoq tamak­kiisumik iluaqutigisin­naavar­put?

⁶ Up­per­nik­kut maligas­saal­luar­tut ilaan­naat atuak­kami matumani sam­mivavut. Maligas­saal­luar­tut suli amerlanerujus­suup­put! (Hebræerit 11:32 atuaruk). Nam­mineq atuaq­qis­saar­nermi taak­kua as­sigiin­ngitsutigut maligas­siuinerat pil­lugu sam­mineqarsin­naasut amerlasoorujus­suup­put. Inuit up­perluar­tut pil­lugit Biibilimi oqalut­tuanik qarsupit­tumik atuar­neq up­per­nermik pisariaqar­tumik nakus­satsitsinavian­ngilaq. Atuar­ner­put tamak­kiisumik iluaqutigiumal­lugu Biibilimi oqalut­tuat ataqatigiin­nerisa tunuliaqutaasalu misis­sor­nis­saan­nut pif­fis­saqar­tariaqar­pugut. Angutit ar­nal­lu taak­kua naam­mal­luin­nan­ngitsut ‘uatsitut misigis­suseqar­nerat’ (NW) eq­qaamajuarutsigu maligas­siaat uagutsin­nut piviusuunerulis­sap­put. (Jaak 5:17) Uagut unam­miniar­nar­titatsin­nut ajor­nar­torsiutitsin­nul­lu as­singusumik nalaataqaraangamik qanoq misigisar­nersut takorloor­tarsin­naavar­put.

7-9. (a) Angutit ar­nal­lu up­perluar­tut Biibilimi eq­qaaneqar­tut uagutsitut Jehovamik pal­lorfigin­nis­sin­naasuugunik im­maqa qanoq misigis­sagaluar­pat? (b) Sooq iliuuseqar­nitsigut up­per­ner­put nakus­satsit­tariaqar­par­put?

⁷ Aam­ma iliuutsitsigut up­per­ner­put nakus­satsit­tar­par­put. Tas­sami “up­per­neq sulianik ilaqan­ngitsoq toqungavoq”. (Jaak 2:26) Takorlooruk angutit ar­nal­lu eq­qar­toriik­kavut ul­lumik­kut Jehovap uagutsin­nut sulias­siis­sutaanik isumagin­neq­quneqaraluarunik qanoq nuan­naar­tigis­sasut!

⁸ As­sersuutigalugu Jehova pal­lorfigiumal­lugu Aaperaat inoqajuitsumi ujaraan­nar­nik pil­liiviliamiin­nani up­peqatini peqatigalugit neriorsuutit “ungasianit” taamaal­laat takusimasani sukumiisumik eq­qar­tor­neqar­tut nas­suiar­neqar­tul­lu tusar­naarumal­lugit naalagaaf­filersaarfin­ni ataatsimeersuar­tarfin­nilu nuan­nersuni aaq­qis­suus­saasumik pal­lorfigin­nis­sin­naal­luni ilisimatin­neqar­tuuguni qanoq misigis­sasoq takorloorsin­naaviuk? (Hebræerit 11:13 atuaruk). Eliami kun­ngip ajor­tup tunus­sisul­lu naalak­kersuinerata nalaani Jehovamut kif­far­tor­nermini Ba’alip pruf­fiitiinik toqoraanani eq­qis­sil­luni inuit tup­pal­ler­nar­tumik neriuuteqaler­nar­tumil­lu tusarler­niarlugit pulaar­tas­sal­lugit ilisimatin­neqar­tuuguni qanoq misigis­sasoq takorloorsin­naaviuk? Angutit ar­nal­lu up­perluar­tut Biibilimi eq­qar­tor­neqar­tut uagutsitut Jehovamik pal­lorfigin­neq­quneqar­tuugunik ingerlaan­naq akuersis­sagaluar­put.

⁹ Taamaat­tumik iliuuseqar­nitsigut up­per­ner­put nakus­satsit­tuar­tigu. Taamaaliorut­ta angutit ar­nal­lu Guutip oqaasiani isumas­sarsiarititaasumi eq­qar­tor­neqar­tut ilaas­savavut. Aal­laq­qaasium­mi eq­qaaneqar­tutut misigilis­saagut ikin­ngutigil­luarlugit. Siunis­samili ilagisalis­sal­lugil­lu ikin­ngutigilis­savavut.

10. Paratiisimi suna nuan­naarutigis­savar­put?

¹⁰ Neriuutit eqqarsaatigiuartaruk. Angutit ar­nal­lu aalajaatsut Guutip neriuutis­siis­sutaa nakus­satsis­sutigiuar­tar­paat. Il­lim­mi? As­sersuutigalugu takorlooruk naaper­tuil­luar­tut ‘makititaap­pata’ Guutip kif­faanik aalajaatsunik naapitsineq qanoq nuan­ner­tigis­sasoq. (Apustilit Suliaat 24:15 atuaruk). Qanoq apererusus­sagaluar­pigit?

11, 12. Silarsuas­sami nutaami uku qanoq apererusus­savigit: (a) Abeli (b) Noa (c) Aaperaat (d) Ruthi (e) Abigajili (f) Esteri?

¹¹ Abeli naapik­kuk­ku angajoq­qaavi pil­lugit apererusus­saviuk? Aam­ma ima aperisin­naavat: “Kerubit Edenimik paarsisut oqaloqatiginikuuigit? Akivaatsit?” Noa ima aperisin­naavat: “Taamani inorujus­suit qunugaagit? Ukiumi ataatsimi umiarsuarmiin­nin­ni uumasut qanoq isumas­sor­pigit?” Aaperaat naapik­kuk­ku ima aperisin­naavat: “Semi at­taveqarfiginikuuiuk? Kia Jehova pil­lugu ilin­niar­tip­paatit? Urip qiman­nis­saa ajor­nakusoor­pa?”

¹² Aam­ma ar­nat aalajaatsut makititaap­pata qanoq apererusus­sanerlugit eq­qarsaatigiuk. “Ruthi, suna pis­sutigalugu Jehova pal­lorfigiler­piuk?” “Abigajili, Daavimik ikiuinin­nik Nabali oqalut­tuutilerak­ku an­nilaangavit?” “Esteri, Biibilimi ilis­si pil­lusi oqalut­tuaq naam­mat Mordokajilu qanoq atugaqaler­pisi?”

13. (a) Makititaasut im­maqa qanoq apererusus­savaatsit? (b) Kif­fanik aalajaatsunik itsaq inuusunik naapitsisin­naanerit qanoq isumaqarfigaajuk?

¹³ Soorunami angutit ar­nal­lu aalajaatsut taak­ku aam­ma ilin­nut apeq­qutis­sar­pas­suaqas­sagunar­put. Ul­lut kingul­liit pif­fis­samilu erloqinar­torsiorfiusumi Jehovap in­nut­taminik qanoq pil­luaq­qusinera pil­lugit oqalut­tuun­nis­saat qilanaar­naqaaq! Qular­nan­ngitsumik Jehovap neriorsuutini tamaasa qanoq eq­quutitis­simagai tusarlugu kil­litsis­sutigingaas­savaat. Taamanik­kus­samut Guutip kif­fai aalajaatsut Biibilimi eq­qar­tor­neqar­tut inut­tut qanoq it­tuunersut takorloor­tariaqan­ngilar­put. Paratiisimeeqatigis­savavut! Taamaat­tumik inuit taak­ku piviusutut isigiumal­lugit sapin­ngisan­nik maan­nak­kut iliuuseqar­tuarit. Up­per­nik­kut ilaar­tuak­kit. Qanor­toq taak­ku ikin­ngutitut peqatigalugit Jehovamut kif­far­tor­nerit nuan­naarutigiuariuk!