Atuagas­siaa­tivut qanoq allanne­qarlu­tillu nutser­neqar­tar­pat?

Nutaarsias­saq nuan­nersoq “inuiaqatigiin­nut naggueqatigiin­nul­lu, immik­kut oqaasilin­nut inuian­nul­lu tamanut” pit­saaner­paamik oqaluus­sis­sutigiumal­lugu oqaat­sit 750-nit amer­lanerusut ator­lugit atuagas­sat saq­qummersit­tar­pavut. (Saq­qummersitat 14:6) Suliaq imaannaanngitsoq tamanna qanoq naammassivarput? Taamaaliorpugut allaatiginnittartoqarmat nunanit tamalaaneersunik nutserisoqarlunilu pimoorussisunik – tamarmik Jehovamik Nalunaajaasuusunik.

Tuluttut allan­neqar­tarput. Aaq­qis­suisoqarfiup qul­lersaqarfit­sin­ni sulinera Siulersuisoqatigiin­nit nak­kutigineqar­poq. Al­laatigin­nit­tartut qul­lersaqarfimmiit­tut immik­koortortaqarfiil­lu ilaan­niit­tut suliaat Aaq­qis­suisoqarfimmit ataqatigiis­saarneqartar­put. Al­laatigin­nit­tartut nunanit tamalaaneersuugamik as­sigiin­ngit­sunik kulturilin­nut tun­ngasunik nunarsuarmi sumi tamaniit­tunut kajumis­sinartumik al­laatigin­nis­sin­naapput.

Nutser­neqar­tarput. Al­latat aaq­qis­sorneqa­reeraangata akuerine­qaree­raangatalu nut­serisunut silarsuarmi sumi tamaniit­tunut elektroniskiusumik nas­siun­neqartar­put, nut­serisul­lu pingasuk­kuutaar­lutik nut­seriitigalutik kuk­kunersiuisar­put. Tulut­tuuata isumavia nammin­neq oqaat­simin­nut nut­serumal­lugu ‘oqaat­sinik eq­quisumik oqaatigin­nit­tunik’ oqaasis­sarsiortar­put.​–Oqaluus­sisartup oqaasii 12:10.

Qarasaasiat iluaqutaal­luar­put. Al­laatigin­nit­tartut nut­serisul­lu qarasaasianit taarser­neqarsin­naan­ngil­lat. Qarasaasiar­li as­sigiin­ngit­sunik ordbogilik, ujar­lerfis­sialik al­lanil­lu atortoris­saarutilik sulinermin­ni iluaqutigaat. Jehovap Nalunaajaasui qarasaasiamut programmilior­put, MEPS-imika taaneqar­tartumik, atuagas­sianik oqaat­sit as­sigiin­ngit­sor­pas­suit ator­lugit saq­qummersit­sinermi atortak­kamin­nik. Programmi taan­na ator­lugu al­laaserisaq naqiternis­saanut piareersar­lugu oqaat­sini hundredilik­kuutaani suliarine­qarsin­naavoq, as­siliartaler­sorneqarsin­naavoq inis­sititer­neqar­sin­naal­lu­nilu.

Sooq oqaat­sinut amer­lasuunut, al­laat oqaat­sinut inun­nit amer­lagisas­saan­ngit­sunit oqaaserineqartunut, Biibililersaarutinik saq­qummersit­siniar­luta taama ilungersortigaagut? Taamaalior­pugut Jehovap piumasarimmagu “inuit tamarmik an­naan­neqas­sasut sal­lusuis­summil­lu ilisarsis­sal­lutik”. – 1 Timotheusi 2:3, 4.

• Biibililersaarutaativut qanoq suliarineqartarpat?

• Sooq Biibililersaarutaativut oqaatsinut taama amerlatigisunut nutsertarpavut?