Guutip suna piumasaraa?

Guutip kissaatigaa eqqissilluta pilluarlutalu nunarsuarmi paratiisiusumi inuunissarput!

Immaqali ima eqqarsarputit: ‘Tamanna ilumut piviusunngorsinnaagami?’ Biibilimi allassimavoq Guutip naalagaaffiata tamanna piviusunngortikkumaaraa, aamma Guutip piumasaraa inuit tamarmik naalagaaffik taanna pillugu uagutsinnullu qanoq siunertaqarnini pillugu paasisaqassasut. – Tussiaat 37:11, 29; Esaja 9:6.

Guutip kissaatigaa nammineq iluaqutigisatsinnik iliuuseqarnissarput.

Soorlu ataataalluartup meeqqani ajunnginnerpaamik kissaattarai, taamatuttaaq Ataatatta qilammiusup naassaanngitsumik pilluarnissarput kissaatigaa. (Esaja 48:17, 18) Neriorsuutigaa ‘Guutip piumasaatut iliortoq naassaanngitsumik atassasoq’. – 1 Johannesi 2:17.

Guutip kissaatigaa aqqutigeqqusamigut ingerlanissarput.

Biibilimi allassimavoq Pinngortitsisitta ‘aqqutigeqqusaminik ajoqersorusukkaatigut aqqusininnguisigut ingerlaniassagatta’. (Esaja 2:2, 3) Piumasani nunarsuarmi tamarmi ilisimaneqaleqqullugu ‘aterminut innuttassarsisimavoq’. – Apustilit Suliaat 15:14.

Guutip kissaatigaa ataasiussuseqarluta pallorfigissagitsinni.

Jehovamik pallorfiginninneq minguitsoq avissaartuutaanani ataasiussusermik asanninnermillu piviusumik siuarsaavoq. (Johannesi 13:35) Ullumikkut angutit arnallu ataasiussuseqarlutik Guutimut kiffartornissamik kikkunnit ilinniartinneqarpat? Kajumissaarpatsigit quppersagaq manna iluaqutigalugu tamanna paasiniaqqullugu.