Siumukarta!

1. Anersaakkut inersimalerisa!

Uppilerlaassusermut uniinnaqinata.

Pikkorissartuarluta sulisa

oqaluussisartutut.

Guutitta pilluaqqussavai

Jiisusip oqaluusseqatai.

Imminut uppertut ikiortarpai

aalajaattarnissaannut.

2. Tamanut oqaluuserisartigu

tusagassaq pingaarneq inuuneq pillugu!

Qaa ilaagit, Jehova nersortigu

oqaluussinitsigut.

Akeraasup malersorpatit

qununak oqaluussisarit

Guutitta nakussatsittuarmagit

nalunaajaajuartut.

3. Iliuutsitsigut ilungersorta

oqaluussillaqqinnerulerumalluta!

Guutimit kajumissisitaalluta

nuannaartuassaagut.

Inuit uummataat killikkit;

asagakkit pulaaqqiisarit

oqaluusseqataasaleqqullugit

nalunaajaasuusutut.