Itsarli mianersoqqussut

Paratiisip inunnit ajortunit aserorneqarnissaa Jehovap akuerissanngilaa. Guutimut ikin­ngutaasut kisimik tas­sani inuus­sap­put. Guutiitsut qanoq pineqas­sap­pat? Taman­na paasiniarlugu Noa pil­lugu oqalut­tuaq ilumoor­toq eq­qarsaatigiuk. Noa ukiut tusindilik­kuutaat matuma sior­na inuuvoq. Angutaavoq ajun­ngitsoq Jehovap piumasaatut ilior­nis­samik ilungersuus­siuar­toq. Nunarsuarmiul­li al­lat tamarmik ajor­tulior­tar­put. Taamaat­tumik Jehovap Noa paasitip­paa ulersuaqar­til­lugu guutiitsut taak­ku nungun­niarlugit. Noa umiarsualioq­quaa nam­mineq ilaqut­tanilu ulersuarmit aniguinias­sam­mata. — 1 Moses 6:9-18.

Noa ilaqutaalu umiarsualiorput. Noap inuit ulersuaqaler­nis­saanik mianersoq­quai, tusaajuman­ngil­lal­li. Ajor­tulior­tuaan­nar­put. Umiarsuaq naam­mas­sim­mat Noap uumasut ilaqut­tanilu umiarsuarmut ikitip­pai. Taava Jehova anorersualersitsivoq. Ul­luni 40-ni un­nuanilu 40-ni sialus­suar­poq. Nunarsuaq tamarmi qarsun­neqar­poq. — 1 Moses 7:7-12.

Inuit ajortut ajunaarput, Noali ilaqutaalu aniguipput. Jehovap Noa ilaqutaalu ulersuarmit aniguisip­pai nunarsuarmi ajor­tuiar­neqarsimasumi inuuler­put. (1 Moses 7:22, 23) Biibilimi al­las­simavoq Jehovap eq­qor­tulioruman­ngitsunik piuneerus­sinis­saanut pif­fis­san­ngoq­qik­kumaar­toq. Inuil­li ajun­ngitsut piuneerun­neqas­san­ngil­lat, kisian­ni nunarsuarmi naas­saan­ngitsumik inuusin­naas­sap­put. — 2 Pîtruse 2:5, 6, 9.

Ullumikkut inuppassuit ajortuliortarput. Silarsuarmi ajor­nar­torsiuter­pas­suaqar­poq. Inuit mianersoq­quniarlugit Jehovap nalunaajaasuni aal­lar­tit­tuar­taraluar­pai, ikin­ner­paagin­naal­li Jehovap oqaasiinut tusaajumap­put. Inooriaaser­tik al­lan­ngor­terusun­ngilaat. Guutip ajun­ngitsoq ajor­torlu pil­lugit oqaaserisai akueriuman­ngilaat. Inuit taak­ku qanoq pineqas­sap­pat? Qaquguluun­niit al­lamik isumataarumas­saner­pat? Amerlasuut al­lan­ngor­navian­ngil­lat. Inuit ajor­tut piuneerun­neqangajaler­put, kingor­nalu inooq­qin­ngisaan­nas­sal­lutik. — Tus­siaat 92:8.

Nunarsuaq aserorneqassanngilaq, paratiisinngortinneqassallunili. Guutimut ikin­ngutaalersimasut nunarsuarmi paratiisimi naas­saan­ngitsumik inuus­sap­put. — Tus­siaat 37:29.