Atuagaq aappariinnermik annaassisartoq

ARNAQ LESLIEMIK ATILIK USA-mi Louisianamiittoq siorna arnamit universitetimi Tulanemi sulisumit sianerfigitippoq. Sianertoq oqaluttuarpoq Tulanemi, universitetini allanitulli, Louisianami katernaat pillugit naatsorsueqqissaarnernik misissuilersimallutik.

Piqataajumalluni akuersigami arnaq apeqqutinik immersugassanik nassitippoq, immersorpaa utertillugulu atuagaq ILAQUTARIITTUT PILLUARNEQ isertugaateqarpoq ilanngullugu. Nassuiaavoq uinilu Jehovamut Nalunaajaasuullutik, atuagarlu aappariilernissaminnut piareersaatitut atuaqatigiissutigisimagitsik.

Sapaatit akunnialui qaangiuttut misissuinermi pisortaasumit allagarsivoq, taanna allappoq: „Neriuppugut aappariit ilissitut ittut ilinniartissinnaassagaatigut nukittuumik pilluarlunilu aappariinnermut suna pisariaqarnersoq. Assigiinngilluinnarnik tunuliaqutaqarnersi tassani pingaaruteqartunut ilaavoq tamannami aappariinnermi akerleriissuteqalernernut pissutaagajunnerpaasarmat. Kisianni aappariilernissassinnut piareersarsimanissi, pingaartumik atuagaq uannut nassiussat iluaqutigalugu, isumaqatigiinngissutaalersinnaasunik sunilluunniit qaangiinissarsi ajornannginnerulersippaa. Aappariinnermi upperisamik toqqammaveqarneq pingaarnerpaat ilagaat. Iluanaaqaasi tamassi taama uppertigigassi Guutillu ikiussagaasi tatigalugu.

Atuagaq uannut nassiussat allaffimma qaavaniippoq, ilinniartitannullu takutittarpara aappariinnermut tunngasunik siunnersoqqullutik qinnuigigaangannga. Atuagaq takunngisaannarpara kisianni pitsaassusia tupinnaqaaq.“

Isumaqarpugut aamma illit atuagaq taanna nalissaqanngitsutut isummerfigissagit. Pissarsiarisinnaavat quppernermi uani immersugassaq immersorlugu nassiukkukku. Pinngortitsisup aallaqqaammut siunertaatut ilaqutariittut inuuneq nuannersunngorniassammat ajornartorsiutivit anigornissaannut atoriaannaasunik siunnersuuteqarpoq. (gE 04/22 02)

□ Atuagaq Ilaqutariittut pilluarneq isertugaateqarpoq perusuppara.

□ Akeqanngitsumik Biibilimik atuaqqissaaqatigineqarnissaq pillugu attaveqarfiginnga.