„Ilaannikkut sinnattorsorisarpunga!“

Lourdes iniminni itsuannisaartiluni sigguni sajuttut assaminik asseqqavai. Latinamerikamiuuvoq, ukiullu 20-t sinnerlugit uiminit, Alfredomit, nakuusertartumit naalliutsinneqartarluni. Qujanartumilli Alfredo allanngorpoq. Lourdesilli timikkut misigissutsikkullu anniaatigisimasani suli oqaluuserisinnaarpianngilai.

„Katinnitta kingorna sapaatip-akunneri marluk qaangiuttut aallartippoq,“ Lourdes sallaatsumik oqaluttuarpoq. „Ataatsimik tillullunga kigutikka marluk katatsippai. Ulloq alla taqikkama sikaavik tillorujussuarpaa. Oqaaserisartagaali suli annernarnerupput. Arnapalaamik taasarpaanga poqiitsutullu pisarlunga. Qimakkusuttaraluarpara, meeqqalli pingasuusut qanoq iliussagama?“

Alfredop qajassuartumik Lourdes tuiisigut eqippaa oqarlunilu: „Ilinniagartuujuvunga, taamaattumik politiinit inanneqarama peqqusiileqinaqaaq. Allanngorniarsaraanga, sivitsunngitsorli pissusitoqara ativara.“

Suup Alfredo allanngortippaa? „Maanga qanittumi pisiniarfiutilik Jehovap Nalunaajaasuisa ilagaat,“ Lourdes maanna eqqissisimarpasinnerusoq nassuiaavoq. „Biibilimik paasiniaaninni ikiorumavaanga. Ilikkarpara Jehova Guutip arnat pingaartikkai. Aallaqqaammut Alfredo kamangaartaraluartoq Jehovap Nalunaajaasuisa ataatsimmiinnerinut ataatsimiigiartalerpunga. Naalagaaffilersaarfimmi ikinngutit ilagisinnaaneri uannut misigisaavoq nutaajulluinnartoq. Tupigusuutigaara nammineq upperisaqarsinnaanera, naqisimaneqarnanga oqalussinnaanera allaallu allanik ilinniartitsisinnaanera. Paasilerpara Guutip isaani naleqarlunga, sapiinnerulissutigaaralu.

Taava puiunngisaannagassannik pisoqarpoq. Alfredo suli katuullit oqaluffianni sapaatikkut naalagiartarpoq. Ullut ilaanni Jehovap Nalunaajaasuinik ilagisaqartarnera akerlileqqimmagu, isaasigut isigalugu eqqissisimasumik aalajangersimasumilli oqarpunga: ’Alfredo, isumavut assigiinngillat.’ Unatanngilaangalu! Tamatuma kinguninngua kuisippunga. Ukiunilu tallimani qaangiuttuni unataqqinngilaanga.“

Allanngornerusoqassaarli. Alfredo oqaluttuarpoq: „Lourdesip kuisinnerata kingorna ukiut pingasut missaat qaangiuttut suleqatima Jehovap Nalunaajaasuisa ilaata imminnut qaaqquaanga, Biibilimiittunillu soqutiginartunik oqaluttuullunga. Nuliannut oqaaseqarnanga Biibilimik atuaqqissaaqatigisalerpara. Sivitsunngitsoq Lourdes ataatsimiigiaqatigisalerpara. Oqalugiaaterpassuit tusakkakka ilaqutariittut inuunermut tunngapput, ilerasutsikulavaanngalu.“

Ataatsimiinnerup kingorna ilagiit angutitaasa nateq saneraat takullugu Alfredop killitsissutigeqaa. Angerlarsimaffianni pulaaraangamigit uiusut nuliatik errueqatigigaat malugisarpaa. Taamaattoqartillugu asanninneq piviusoq qanoq ersersinneqartartoq Alfredop paasivaa.

Sivitsunngitsoq Alfredo kuisippoq, maanna nulianilu piffissaq tamaat oqaluussisartuupput. „Nerriviiaaninni ikiukulavaanga siniffiliortarlunilu,“ Lourdes oqaluttuarpoq. „Igaakka nersualaartarpai qinersisinnaatittarlungalu — assersuutigalugu nipilersuutit suut tusarnaarusunnerikka, angerlarsimaffitsinnulluunniit suna pisiarissaneripput. Siornatigut Alfredo taamaaliunngisaannarpoq! Qanittukkut, aatsaavissuaq, naasunik pitsippaanga. Ilaannikkut sinnattorsorisarpunga!“

[Qupp. 10-mi assiliartaq]

„Paasilerpara Guutip isaani naleqarlunga. Sapiinnerulissutigaaralu“

[Qupp. 10-mi assiliartaq]

Ataatsimiinnerup kingorna ilagiit angutitaasa nateq saneraat takullugu Alfredop killitsissutigeqaa

[Qupp. 10-mi assiliartaq]

Malugaa angutit allat nuliatik errueqatigisaraat

[Qupp. 10-mi assiliartaq]

„Qanittukkut, aatsaavissuaq, naasunik pitsippaanga“