„Ilaginagu peroriartorluni artornarsimaqaaq“

„Kingullermik ataatsimeersuarnermi saqqummersinneqartoq Asasamik toqusoqaraangat . . . atuareerlugulu allappunga, qamanngavik qujamasuutigeqalugu taama misiginneqataatigisumik uppernikkullu nakussatsinnartigisumik atuagaaraq allanneqarsimammat.

18-nik ukioqarpunga. Ataataga biilimik ajunaarsimavoq uanga arfineq-pingasunik ukioqartunga, naak ukiut qulit qaangiutereeraluartut suli qamuuna kiserliortutut misigisarpunga. Artornarsimaqaaq ilaginagu peroriartorluni. Taassumunnga oqaluttuassaqaraluaqaanga, aveqatissaqaraluaqalunga, qanorlu ittuusimanersoq ilikkarusukkaluaqalugu. Jehova asannilluni neriuutigititaanik eqqaasinneqarneq tuppallernaqaaq. Qullilinngitsoorfiunngilaq. Qujanarujussuaq neriuutiga nutaanngorteqqinneqarmat.“ — Nalunaajaasoq inuusuttoq Østrigimeersoq.

Napasuliaq Alapernaarsuiffiup Peqatigiiffiata immikkoortortaqarfiini allagarpassuit tamatumunnga assingusut tiguneqartarsimapput. Atuagassiaq pineqartoq maannakkut oqaatsini 18-ni pineqarsinnaavoq. Atuagassiaq 32-nik quppernilik inunnut millionilippassuarnut tuppallersaataavoq. Toqukkut annaasaqarsimallutit aliasuuteqaruit assinganik piniarsinnaavutit uunga allallutit Napasuliaq Alapernaarsuiffik, Box 248, 3900 Nuuk, Imaluunnit adressit ilaannut qupperneq 5-miittunut.