Isumatsassimasunut tuppallersaatissaq

Siorna Jehovap Nalunaajaasuisa naqitaaraq arfinilinnik quppernilik qulaanisut qulequtalik saqqummersippaat. Ikiuutissaq nanertisimasut pisariaqartitaat naatsunnguanngorlugu imaraa. Naqitaaqqami ersersinneqarpoq tuppallersaatissaq pitsaanerpaaq Biibilimiittoq. Allassimaffippassuit nanertisimanermut tunngasut issuarneqarput, ilaatigut nanertisimasunut toqqaannartumik ikiuutaasinnaasut.

Siorna ukiakkut Jehovap Nalunaajaasuisa Romami Italiamiittumi immikkoortortaqarfiat angummit sianerfigineqarpoq ima oqartumit: „Naqitaaraq nanertisimanermut tunngasoq pillugu qutsavigiumavassi. Taama ittumik tunineqaqqammerpunga, misigigama qujaniarlunga sianertariaqarlunga sianerpunga. Nakorsat atuagassiaanni sumiluunniit taama qiimmannartigisunik atuarsimanngisaannarpunga. Nersualaarusuppassi inissaq taama annikitsigisoq atorlugu taama imaqartigisunik allassinnaagassi.

Naqitaaraq atuarakku qiavunga. Kajumissaarumavassi suliarsi ingerlatiinnaqqullugu. Suliarsimi pingaartorujussuuvoq; Italiami tamarmi, aap, nunarsuarmi tamarmi, taamaaliortariaqaraluarpusi.“

Naqitaaqqamik Isumatsassimasunut tuppallersaatissaq-mik perusukkuit, paasissutissanilluunniit amerlanerusunik perusukkuit, uunga allannissannut tikilluaqqusaavutit: