„Kristusimut qaninnerulersitsivoq“

ATUAGAQ qanittukkut Jehovap Nalunaajaasuisa naqitigaat, Inuk inuit inuusimasut pingaarnerpaartaat, pillugu inuppassuit taama oqarsimapput. Arnaq Frankrigimiit ima oqaluttuarpoq: „Napasuliaq Alapernaarsuiffiup Peqatigiiffiata atuagassiaatai nuannariuaannarsimavakka, aatsaalli taama atuakkamut alutorsartigaanga.“ Peqatigiiffiup Frankrigimi immikkoortortaqarfianut allakkamini ima nassuiaavoq:

„Kristusip inuuneranik peqqissaartumik atuakkiap tamatuma taassuma inuttut pissusianik nuannersumik suli asanninnerulersippaanga. Naak iivangkiiliulersaarutit arlaleriaqalunga atuartarsimagaluarlugit taassuma inuunerata pingaartortaanik nutaanik atuakkami paasisaqarpunga. Kristusip misigisimasai sakkortuut atuakkami eqqartorneqartut ilaaffigisutullusooq misinnartarput, aammalu misiginneqataanermik saamanermillu ersersitsisoq takusarparput, aammali sapiitsumik aalajangersimasumillu iliortoq takusarlugu.

Ingammik kapitalit kingulliit killitsinnarput. Eqqarsaatigilerakku pinngortitat pingaarnerpaartaat Diaavulup ikiortaanit ajortunit anniartitaanissaminut piumassuseqarsimasoq, qullilinngitsoorsinnaasimanngilanga. Ila maligassaalluassusia! Maanna misigisimavunga ’naassaanngitsumik Ataatatsinnut’, kunngimut aqutsisumut, qaninnerujussuanngorlunga.“ — Jesaja 9:6.

Jehovap Nalunaajaasui tassaapput Biibilimik atuaqqissaartartut 4 millioninit amerlanerusut, Jesus Kristusip inuit inuusimasut pingaarnerpaartaaneranik qularutiginninngiinneratik taanna kisiat aqqutigalugu inuunermik naassaanngitsumik angusisinnaanerminnik upperinnilluinnartut. — apustilit suliait 4:12. (gD 22/12 92)

Paasisaqarnerorusukkuit imaluunniit illit nammineq angerlarsimaffinni akeqanngitsumik Biibilimik atuaqqissaaqatigineqarusukkuit uunga allassinnaavutit: Napasuliaq Alapernaarsuiffik, Box 248, 3900 Nuuk.