Modi ki nu pode intende kes ilustrason ki sta na Bíblia?

Bíblia ten txeu ilustrason. Má txeu algen ka ta intende-s. (Mat. 13:13) Nton, kuzê ki pode djuda-u intende dretu kes ilustrason ki sta na Bíblia? Tenta faze kes kuza li:

• Pensa na kal ki é ideia prinsipal i kuzê ki el sta konparadu ku el. Kes ilustrason ta konpara un kuza ku kel otu. Pur izénplu, na Apokalipse 3:3 ta fla ma Jizus ta ben sima un ladron. Nton ideia prinsipal é ma Jizus sta ta ben i el sta ta konparadu ku un ladron.

• Pensa na kuzê ki kel ideia prinsipal i kel ilustrason ten igual ku kunpanheru. Tenta intende pamodi ki kel kuza sta konparadu ku kel otu i kuzê ki es ten igual.

• Ten serteza ma bu txiga na konkluzon sértu. Alvês un algen pode ka intende dretu kuzê ki un ilustrason ta inxina. Pur izénplu, na kel ilustrason ki sta di riba, Jizus ka sta ben furta nada. Envês di kel-li, kel testu ta mostra ma sima un ladron, Jizus ta ben na un óra ki pesoas ka sta ta spera.