jw.org сайтым и напэкІуэцІ нэхъыщхьэм итыр хъыбарыфІыр щыбгъэІукІэ къэгъэсэбэп

Ди сайтым и напэкІуэцІ нэхъыщхьэм «пэжыр къэзыщІэну хуей цІыхухэм» яфІэгъэщІэгъуэн хъуну статьяхэр, видеохэр итщ (Апост 13:48, ДЩІ). И нэхъыбэм абы къралъхьэр зыпыщІар хъыбарыщІэхэмрэ цІыхухэр зыгъэпІейтей темэхэмрэщ.

jw.org сайтым и напэкІуэцІ нэхъыщхьэр хъыбарыфІыр щыбгъэІукІэ дапхуэдэу къызэрыбгъэсэбэп хъуныр?

• Сайтым щІэх-щІэхыурэ ихьэ. Сайтым и напэкІуэцІ нэхъыщхьэм ит «Къыхэхахэр» жыхуиІэ разделым ит статьяхэм гу лъытэ икІи абыхэм щыщу пэжым теухуауэ узэпсалъэ цІыхухэм дэтхэнэр яфІэгъэщІэгъуэн хъунуми егупсыс. Абы и фІыгъэкІэ хъыбарыфІыр щыбгъэІукІэ узытепсэлъыхьын темэ сыт щыгъуи уиІэнущ. (Мы разделым щІэуэ къралъхьа материалхэр къэбгъуэтын щхьэкІэ «Нэхъыбэ еплъын» жыхуиІэм ихьэ.)

• НапэкІуэцІ нэхъыщхьэм ит статьяхэмрэ видеохэмрэ цІыхухэм епсэлъэн щыщІэбдзэкІэ къэгъэсэбэп. Абы къыщыхьа темэхэр уи щІыпІэм щыпсэу цІыхухэм яфІэгъэщІэгъуэн хъуну къыщІэкІынущ.

• НапэкІуэцІ нэхъыщхьэр цІыхухэм егъэлъагъу. Узэпсалъэ цІыхум напэкІуэцІ нэхъыщхьэм къыщыхьа темэ зэмылІэужьыгъуэхэм гу лъегъатэ икІи езым фІэгъэщІэгъуэн упщІэхэр къызэригъуэт хъуныр егъэлъагъу.

• «Хуегъэхьын» жыхуиІэр къэгъэсэбэп. Языныкъуэ цІыхухэр къытхуэзэу къыдэпсэлъэну хуэмейми, ди сайтым ихьэну хуеинкІэ хъунущ. Ди сайтым и напэкІуэцІ нэхъыщхьэм е абы къыщыхьа статья, видео гуэрым и ссылкэр апхуэдэ цІыхум хуомыгъэхьыфыну пІэрэ?