Иеговэ къыбгъэдэкІ гъэсэныгъэр къэлъыхъуэ

АБЫ МЫХЬЭНЭШХУЭ ЩІИІЭР: УщиякІуэшхуэ Иеговэ щІэныгъэу щыІэм я нэхъыфІыр къыдет. Абы дэ ди гъащІэр нэхъыфІ зэрытщІынум иджыпсту щыщІэдзауэ дыхурегъасэ икІи дунеищІэм щыІэну гъащІэм дыхуегъэхьэзыр. А щІэныгъэм дэ ахъшэ лъэпкъ щІэттын хуейкъым! (Иса 11:6—9; 30:20, 21; Апок 22:17). Абы нэмыщІ Иеговэ дызэригъасэм и фІыгъэкІэ цІыхухэм я гъащІэр къезыгъэлыфын хъыбарыфІыр фІыуэ догъэІу (2Кр 3:5).

АР ЗЭРЫПЩІ ХЪУНЫР:

• Іэдэбагъ зэрызыхэплъхьэным хущІэкъу (Пс 25:8, 9).

• Иеговэ и организацэм иригъэкІуэкІ школхэм ущеджэну уиІэ Іэмалыр къэгъэсэбэп, псалъэм папщІэ, «ХъыбарыфІыр зэрыдгъэІур идогъэфІакІуэ» жыхуиІэ Іыхьэм узэрыхэтыным хущІэкъу.

• Иеговэ и лэжьыгъэм пыщІа мурадхэр гъэув (Фп 3:13).

• Иеговэ къыбгъэдэкІ щІэныгъэ нэхъыбэу зэбгъэгъуэтын щхьэкІэ зыгуэрым зэрызыхуэбгъэныкъуэным хуэхьэзыру щыт (Фп 3:8).

«АХЭР ИЕГОВЭ НЭХЪ ГЪУНЭГЪУ ХУЭХЪУАЩ» ЖЫХУИІЭ ВИДЕОРОЛИКЫМ ЕПЛЪИ, КЪЫКІЭЛЪЫКІУЭ УПЩІЭХЭМ ЖЭУАП ЕТ:

• «Школа благовестников Царства» жыхуиІэ школым щеджэну гукъыдэж зыщІа Иеговэ и лэжьакІуэхэм сыт хуэдэ гугъуехьхэр яІа?

• «Школа благовестников Царства» жыхуиІэ школым сыт зыхурагъаджэр?

• Ди къуэш, ди шыпхъухэр дауэ дэІэпыкъуа а школыр къэзыухауэ я зэхуэсым къагъэкІуахэм?

• «Школа благовестников Царства» жыхуиІэ школым укърагъэблэгъэн щхьэкІэ сыт пщІэн хуейр? (kr-​U 189)

• Иеговэ и организацэм иригъэкІуэкІ сыт хуэдэ школым ущеджэну Іэмал уиІэ уэ?