Пащтыхьыгъуэм теухуа хъыбар № 37
Дунейпсом щыІу хъыбар
Дин нэпцІым и кІуэдыжыгъуэр къэсащ!
▪ Сыт зищІысыр дин нэпцІыр?
▪ Дауэ ар зэрыкІуэдыжынур?
▪ Уи гъащІэр дауэ ихъуэжыну абы?
Сыт зищІысыр дин нэпцІыр?
УагъэпІейтейрэ уэ диным епха щІэпхъэджагъэхэм? Алыхьым хуэлажьэу зызыбжыж цІыхухэр зауэм, терроризмэм, коррупцием зэрыхэтыр щыплъагъум деж уризэгуэпрэ абы? Сыт дыкъэзыгъэгузавэ Іуэхугъуэ куэдым я къежьапІэу диныр щІыщытыр?
АбыхэмкІэ дин псори къуаншэкъым, атІэ дин нэпцІыращ. Алыхьыр зи фІэщ хъу куэдым пщІэшхуэ зыхуащІ Хьисэ бегъымбарым жиІауэ щытат «жыг Іейм Іей къызэрыпыкІэм» хуэдабзэу, дин нэпцІми Іуэху Іейм цІыхухэр зэрыхуигъэушыр (Матфей 7:15—17). Сыт хуэдэ Іуэху Іейхэр дин нэпцІым илэжьрэ?
Дин нэпцІым...
◼ ЗАУЭМРЭ ПОЛИТИКЭМРЭ И ІУЭХУ ХЕЛЪХЬЭ: Журнал «Эйшауик» – жыхуиІэм итщ: «Азиеми, нэгъуэщІ щІыпІэхэми хуэдэу, унафэ щІыным Іеищэу хуэпабгъэ дин лэжьакІуэхэм, зыхуейр гъэпцІагъэкІэ зрагъэгъуэтын щхьэкІэ, цІыхухэм Алыхьыр яфІэщ зэрыхъур къагъэсэбэп». ИкІэм ар мыбы къыхуэкІуащ: «ТІэкІу дэкІмэ, дунейр зэрыщыту зэкІуэкІыпэнущ». Америкэм щыцІэрыІуэ дин пашэ гуэрыми жиІащ: «Ялэжь щІэпхъэджагъэхэм кІэ ефтыну фыхуеймэ, фамыукІ щІыкІэ езы террористхэр фыукІын хуейщ». Абыхэм зэребэныпхъэу сыт жиІэр? «Алыхьым и цІэкІэ зэтевукІи фапыкІ!» Ауэ Алыхьым и Псалъэм итыр нэгъуэщІщ: «Зыгуэрым „Тхьэр фІыуэ солъагъур“, жиІэ пэтми, и къуэшыр жагъуэу илъагъумэ, ар пцІыупсщ» (1 Иуан 4:20). Абы нэмыщІ Хьисэ бегъымбарми жиІат: «Фи бийхэр фІыуэ флъагъу» — жиІэри (Матфей 5:44). Дин дапщэ бгъуэтыну пІэрэ зауэм хэмыІэбэу?
◼ АЛЫХЬЫМ И ПСАЛЪЭМ ИМЫТ ПЦІЫМ ХУРЕГЪАДЖЭ: Дин куэдым жаІэр цІыхур лІа нэужь, псэр къанэу. Ар къагъэсэбэпри дин лэжьакІуэхэм ахъшэ цІыхухэм къраІых, лІахэм я псэм щхьэкІэ Алыхьым елъэІуну. Ауэ Алыхьым и Псалъэм жиІэр нэгъуэщІщ: «Гуэныхь зыщІа псэр малІэр» (Иезекииль 18:4). «Псэухэм зэрылІэнур ящІэ, ауэ лІахэм зыри ящІэкъым» (Екклесиаст 9:5). Хьисэ жиІат лІахэр къэтэджыжыну. Абы хуей дыхъунутэкъым, цІыхухэм мылІэжу псэ яІуту щытамэ (Иуан 11:11—25). Уэ уи диным жиІэрэ псэр мылІэу?
◼ СЕКСУАЛЬНЭ ХАБЗЭНШАГЪЭР КЪЫФІЭІУЭХУКЪЫМ: Къэрал куэд щыІэщ гомосексуалистхэм дин ІэнатІэ ирату. Дин лэжьакІуэхэр хущІокъу цІыхухъуитІ е цІыхубзитІ зэрышэ хъууэ къэрал унафэщІхэм ирагъэдэну. Сексуальнэ хабзэншагъэр зымыдэу щыІэ динхэми зыри жаІэкъым, я дин пашэхэм сабийхэм лей щрахым деж. АтІэ Тхыгъэ ЛъапІэм итыр сыт? Абы ІупщІыу щыжыІащ: «Тхьэм и ТепщэныгъэмкІэ Іыхьэ къыфлъысынукъым, фи щхьэр къэвмыгъэпцІэж: зинэ зыщІэхэми, тхьэ нэпцІхэр зыгъэлъапІэхэми, цІыхухъухэм фыз папщІэу екІуалІэхэми» (1 Коринф 6:9, 10). Сексуальнэ хабзэншагъэр къызыфІэмыІуэхуу сыт хуэдэ динхэр пщІэрэ?
КъэкІуэну зэманым Іуэху Іей зылэжь динхэм къащыщІынур пщІэрэ сытми? Хьисэ бегъымбарым жиІат: «ФІы къызыпымыкІэ дэтхэнэ зы жыгри ираупщІыкІынурэ мафІэм хадзэнущ» (Матфей 7:19). НтІэ, дапщэщ ар къыщыхъунур икІи дауэ? Абы и жэуапу Алыхьым къигъэлъагъуар Инджылым и иужьрей тхылъым и 17-нэ, 18-нэ псалъащхьэхэм итщ.
Дауэ дин нэпцІыр зэрыкІуэдыжынур?
Уи нэгу къыщІэгъыхьэт хьэкІэкхъуэкІэжьым цІыхубз къэхьпэ тесу. ХьэкІэкхъуэкІэжьым щхьибл пытщ, бжьакъуипщІ тетщ (Апокалипсис 17:1—4). Хэт къигъэлъагъуэр а цІыхубз къэхьпэм? ЗэрыжыІамкІэ ар «дунейм и пащтыхьхэм» я тепщэщ. И щыгъыныр плъыжь–фІыцІафэщ, мэ ІэфІ къызыпих удзхэр къегъэсэбэп, егъэлеяуи къулейщ. А псом нэмыщІыж и удыгъэмкІэ абы «лъэпкъ псори щегъауэ» (Апокалипсис 17:18; 18:12, 13, 23). А цІыхубз къэхьпэм Тхыгъэм зэритымкІэ къигъэлъагъуэр дунейм дину тетыращ. Къигъэлъагъуэр зы динкъым, атІэ Іуэху Іей зылэжь динхэр псори.
ЦІыхубз къэхьпэр зытес хьэкІэкхъуэкІэжь хъужыр политическэ унафэщІхэращ (Апокалипсис 17:10—13). Дин нэпцІыр политическэ хьэкІэкхъуэкІэжьым тесщ зыхуейр иригъащІэу, абы унафэ ищІхэм хэІэбэу.
Ауэ куэд мыщІэу Іуэхугъуэ телъыджащэ къэхъунущ: «Плъэгъуа хьэкІэкхъуэкІэжьымрэ бжьакъуипщІымрэ псэжьыр жагъуэу ялъэгъунущ. Абы иІэ псори трахынурэ, пцІанэу къагъэнэнущ. И пкъри яшхынущ, къэна псори мафІэкІэ ягъэсынущ» (Апокалипсис 17:16). Мы дуней псом тет къэрал унафэщІхэр, цІыху псоми ягъэщІагъуэу, напІэзыпІэм дин нэпцІым теуэнурэ гущІэгъуншэу ягъэкІуэдынущ! Сыт апхуэдэу щІащІынур? Алыхьым и Псалъэм итщ: «Тхьэм и мурадыр ягъэзэщІэну я гум кърилъхьэнущ» (Апокалипсис 17:17). Зэрыплъагъущи, Алыхьым и цІэкІэ ящІа Іуэху Іейхэм щхьэкІэ абы жэуап иригъэхьынущ. Хуэфащэпсу цІыхубз къэхьпэм щІасэлІыу иІэ политическэ унафэщІхэр Алыхьым къигъэсэбэпынурэ и мурадыр иригъэгъэзэщІэнущ.
Сыт уэ пщІэн хуейр, дин нэпцІым къыщыщІынум ухиубыдэну ухуэмеймэ? «Си цІыхухэр... а къалэм [дин нэпцІхэм] фыкъыдэкІ», — къыджеІэ Алыхьым и мелыІычым (Апокалипсис 18:4). Иджыпсту игъуэ дыдэщ дин нэпцІым укъыхэкІыну! Дэнэ–тІэ уздэкІуэнур? Атеизмэра? Хьэуэ, абыи къэкІуэну лъэпкъ иІэкъым (2 Фессалоникэ 1:6—9). ХъумапІэ быдэ хъунур дин пэжыращ. Дауэ ар къызэрыпцІыхуфынур?
Дин пэжыр къызэрыпцІыхуфынур
Сыт фІыуэ хэлъын хуейр дин пэжым? (Матфей 7:17).
Дин пэжым...
◼ ЛЪАГЪУНЫГЪЭ ХЭЛЪЩ: Алыхьым пэжу хуэлажьэхэр «мы дунейм щыщкъым», расэкІэ, лъэпкъкІэ зэхэгъэж ящІкъым, фІыуэ зэролъагъу (Иуан 13:35; 17:16; Апостолхэм 10:34, 35). Абыхэм нэгъуэщІ цІыху ямыукІын щхьэкІэ я гъащІэр ятыфынущ (1 Иуан 3:16).
◼ АЛЫХЬЫМ И ПСАЛЪЭМ ДЗЫХЬ ХУЕЩІ: «Адэжьхэм къыхуагъэна хабзэхэм», е «цІыху хабзэхэм» хуримыгъаджэу, дин пэжым зыхуригъаджэхэр Алыхьым и Псалъэм, Библием, кърех (Матфей 15:6—9). Сыт щхьэкІэ? Зи щхьэкІэр жыпІэмэ: «Тхьэм и псалъэ тха псори Тхьэм... и деж къикІащ. ЦІыхухэм пэжыгъэр ебгъэщІэнкІи, уегиинкІи, бгъэдэІуэнкІи, пэжыгъэр зиІэ псэукІэр ебгъэщІэнкІи сэбэпщ а псалъэхэр» (2 Тимофей 3:16).
◼ УНАГЪУЭХЭР НЭХЪ БЫДЭ ЕЩІ, ЦІЫХУХЭР ХЬЭЛЫФІХЭМ ХУЕГЪАСЭР: Дин пэжым лІыхэр хуегъасэ «езым и пкъым хуэдэу я фызхэр фІыуэ ялъэгъуну», фызхэр — «я лІхэм щІыхь хуащІыну», сабийхэр — «адэ-анэм едэІуэну» (Ефес 5:28, 33; 6:1). Дин пэжым и цІыхухъу нэхъыжьхэм щапхъэ ягъэлъэгъуэфу, хьэлыфІхэр яхэлъыу щытын хуейщ (1 Тимофей 3:1—10).
Дин гуэр щыту пІэрэ апхуэдэу? «Холокостым и политикэр»– жыхуиІэу 2001–гъэм къыдэкІа тхылъым итщ: «Иеговэ и Щыхьэтхэм жаІэмрэ зэрыщытымрэ хуэдэу цІыху нэхъыбэІуэ щытамэ, Холокостыр щыІэнутэкъым, цІыхухэри мин бжыгъэкІэ зэраукІыр тлъэгъунутэкъым» (Holocaust Politics).
Иеговэ и Щыхьэтхэм Алыхьым и Псалъэм ит хъыбарыфІыр щІыпІэу 235-м щагъэІу къудейкъым, атІэ абы итым тету езыхэри мэпсэу. Дэ фыкъыхудоджэ Иеговэ и Щыхьэтхэм захуэвгъэзэну, Алыхьыр зыхуейр къафщІэу, арэзы фщІыуэ фыхуэлэжьэн щхьэкІэ. Иджыпсту зыгъэхъеипхъэщ. ЗыпІэжьэ хъунукъым. Дин нэпцІым и кІуэдыжыгъуэр къэсащ! (Софоние 2:2, 3).
Алыхьым и Псалъэм зыхуригъаджэм теухуауэ нэхъыбэ къэфщІэну фыхуеймэ, фымыукІытэу ищІагъым къыщыхьа адресхэм языхэзымкІэ Иеговэ и Щыхьэтхэм захуэвгъазэ.
□ ПщІэншэу «Сыт къытхуигъэувыр Алыхьым?» жыхуиІэ брошюрэр къысхуевгъэхь.
□ Алыхьым и Псалъэр пщІэншэу сагъэджыну сыхуейщ.
[Вставкэ, 3-нэ напэкІуэцІ]
Дин нэпцІым зыхуейр ярегъащІэ «дунейм и пащтыхьхэм»
[Вставкэ, 3-нэ напэкІуэцІ]
«Си цІыхухэр... а къалэм фыкъыдэкІ»