Библием ит щапхъэхэр къыдгурыІуэну сыт къыддэІэпыкъунур?

Библием щапхъэ гъэщІэгъуэн куэд итщ. Ауэ ахэр къыбгурыІуэну щымытынш къохъу (Мт. 13:13). Абыхэм къикІыр зэхэбгъэкІыну сыт къыбдэІэпыкъунур? КъыкІэлъыкІуэ чэнджэщхэр къэбгъэсэбэп хъунущ:

• Темэр зытеухуамрэ ар зригъапщэмрэ егупсыс. Щапхъэр къыбгурыІуэн щхьэкІэ, ар зытеухуа темэмрэ ар зригъапщэмрэ зэхэгъэкІ. Псалъэм папщІэ, Апокалипсис 3:3 Хьисэ къызэрыкІуэнур дыгъуакІуэр къызэрыкІуэм ирегъапщэ.

• СыткІэ зэщхьми зэхэгъэкІ. Темэмрэ ар зригъэщхьымрэ зэрызэпхам егупсыс.

• Гупсысэ пэжым укъыхуэкІуарэ укъыхуэмыкІуарэ зэхэгъэкІ. Темэмрэ щапхъэмрэ зыгуэркІэ зэрызэщхьым нэгъуэщІуи уригъэгупсысыфынущ. ИпэкІэ зи гугъу тщІа щапхъэм деплъмэ, Хьисэ къыщІэкІуэнур зыгуэр къидыгъун щхьэкІэкъым. Контекстым къызэригъэлъагъуэмкІэ, «Хьисэ дыгъуакІуэм хуэдэу къэкІуэнущ» жыхуиІэм къикІыр ар къызэрыкІуэнум зыри зэрыпэмыплъэныращ.