Хьисэ «жыІэдаІуэныгъэм зригъэсащ»

Хьисэ сыт щыгъуи Иеговэ хуэжыІэдаІуэу щытащ (Ин. 8:29). Сыт-тІэ Библием щІыжиІэр абы «гугъуехьхэр ишэчурэ, жыІэдаІуэныгъэм зригъэсауэ»? (Евр. 5:8, ДЩІ).

Хьисэ уафэм зыпэщІэмыхуа Іуэхугъуэхэм щІылъэм щыпэщІэхуащ. Абы и адэ-анэм Иеговэ фІыуэ ялъагъуми, ахэр гуэныхьлыуэ щытт (Лк. 2:51). Напэ зимыІэ дин пашэхэмрэ захуагъэм темыт тепщэхэмрэ абы лей къытрагъэхьащ (Мт. 26:59; Мар. 15:15). Абы нэмыщІ Хьисэ «езым зигъэлъахъшэри, щылІэнум нэсыху, Тхьэм хуэІурыщІащ» икІи и псэм хьэзаб телъу лІащ (Флп. 2:8).

Ар щІылъэм щыщыІам жыІэдаІуэныгъэм щІэрыщІэу зригъэсэн хуейуэ жыпІэ хъунут. Абы и фІыгъэкІэ Хьисэ ди гурыщІэхэр фІыуэ къызыгурыІуэ Пащтыхь икІи Дин пашэшхуэ хъуащ (Евр. 4:15; 5:9). Ар сыт хуэдэ гъэунэхуапІэ имыхуами, Иеговэ хуэжыІэдаІуэу къэнащ икІи абы дежкІэ нэхъ лъапІэ хъуащ. Дэри гугъуехь дыщиІэм деж жыІэдаІуэу дыщытмэ, Иеговэ дежкІэ нэхъ лъапІэ дохъу икІи абы къалэныщІэхэр къыдитыфынущ (Екъуб 1:4).