Библие джыным уи гур хуэгъэхьэзыр

Дэ дыхуейщ Библиер щыдджкІэ Иеговэ и гупсысэхэр ди гум лъэІэсыну. Ар къыдэхъулІэн щхьэкІэ, ди гур хуэдгъэхьэзырын хуейщ. Дэ Ездрэ щапхъэ тетх хъунущ, абы «Иеговэ и хабзэм зыхуигъэзэну... и гур хуигъэхьэзыращ» (Езд. 7:10). Дауэ абы ди гур зэрыхуэдгъэхьэзыр хъунур?

Алыхьым лъэІукІэ зыхуэгъазэ. Библие джыныр сыт щыгъуи тхьэлъэІукІэ къыщІэдзэ. Иеговэ елъэІу узэджэр къыбгурыІуэну икІи уи гъащІэм къыщыбгъэсэбэпыну (Пс. 119:18, 34).

Іэдэбагъ зыхэгъэлъ. Алыхьым зи щхьэ щыгугъыж цІыху пагэхэм пэжыр къахузэІуихкъым (Лк. 10:21). Библиер щыбджкІэ уи щІэныгъэмкІэ нэгъуэщІхэм гулъытэ лей зыхуебгъэщІыну мурад умыгъэув. Зыпхъуэжын хуейуэ гу зылъыптэжамэ, Іэдэбагъ пхэлъу абы елэжь.

Ди уэрэдхэм едаІуэ. Макъамэм къаруушхуэ щІэлъщ, ар гум лъоІэс. Абы къыхэкІкІэ, Библиер бджын щІэбдзэн ипэ ди уэрэдхэм щыщ зым уедаІуэмэ, ар къыбдэІэпыкъунущ Иеговэ къыбжиІэну зыхуейм уи гур хуэбгъэхьэзырыну.