ДИ ГЪАЩІЭР
Иеговэ и гупсысэкІэр зэгъэгъуэт
Дэ тщІэ псомкІи Иеговэ дгъэгуфІэну дыхуейщ (Пр 27:11). Унафэ гуэр къэтщтэну дыхуейуэ, ауэ абы хуэкІуэ хабзэ пыухыкІа щыщымыІэ къохъу. Апхуэдэм дежи ди Іуэхум Иеговэ и еплъыкІэкІэ деплъын хуейщ. Сыт абыкІэ къыддэІэпыкъунур?
Махуэ къэс Библиер дджын хуейщ. Библием дыщеджэм деж дэ Иеговэ и гъусэу зэман дгъакІуэу жыпІэ хъунущ. Библием дыщеджэкІэ Иеговэ и лъэпкъым дапхуэдэу хущытами дэ долъагъу икІи абы едэІуахэмрэ емыдэІуахэмрэ я щапхъэм догупсыс. Абы и фІыгъэкІэ дэ Иеговэ и гупсысэкІэр нэхъыфІу къыдощІэ. Унафэ къыщытщтэн хуейм деж Алыхьым и къару лъапІэм Библием къыщытщІа принципхэр дигу къигъэкІыжыфынущ (Ин 14:26).
Уи упщІэм теухуауэ нэхъыбэ къащІэ. Унафэ къэпщтэн ипэ мыпхуэдэу зэупщІыж: «Мы упщІэм теухуауэ Иеговэ иІэ еплъыкІэр къызгурыІуэн щхьэкІэ Библием ит сыт хуэдэ едзыгъуэхэмрэ хъыбархэмрэ къыздэІэпыкъуну?» Иеговэ къыбдэІэпыкъуну елъэІу. Библием ит принципхэр къэбгъуэтын икІи ахэр къызэрыбгъэсэбэп хъуну щІыкІэр нэхъыфІу къыбгурыІуэн щхьэкІэ ди организацэм къыдигъэкІауэ уи бзэкІэ щыІэ Іэмэпсымэхэр къэгъэсэбэп (Пс 25:4).
«МЫ ДОЛЖНЫ БЕЖАТЬ „СО СТОЙКОСТЬЮ“. ПОЛНОЦЕННО ПИТАЙТЕСЬ» ЖЫХУИІЭ ВИДЕОМ ЕПЛЪИ, УПЩІЭХЭМ ЖЭУАП ЕТ:
Видеом хэта ди шыпхъу ныбжьыщІэр сыт хуэдэ гъэунэхуапІэхэм пэщІэхуа?
Ди шыпхъур зыпэщІэхуа гъэунэхуапІэхэм хуэдэ уихуэмэ, уи упщІэм теухуауэ нэхъыбэ къэпщІэну сыт хуэдэ Іэмэпсымэхэр къыбдэІэпыкъуну?
Библиер дджын икІи ди упщІэм теухуауэ нэхъыбэ къэтщІэн щхьэкІэ зэман къыдэдгъэкІмэ, ар дапхуэдэу сэбэп къызэрытхуэхъунур унафэ пэж къэтщтэну? (Евр 5:13, 14).