Узыншагъэм пыщІауэ псынщІэу унафэ къыщыпщтэн хуей Іуэхугъуэхэм зыхуэгъэхьэзыр

Сыт абы мыхьэнэ щІиІэр? НапІэзыпІэм зыгуэр къытщыщІу дохутырхэм я дэІэпыкъуэгъу дыхуэныкъуэнкІэ хъунущ. Абы къыхэкІкІэ къэхъункІэ хъунум зыхуэгъэхьэзыр, зыгуэр къэхъу хъумэ, зэрагъэхъуж Іэмалхэм щыщу нэхъыфІ дыдэр дохутырхэм къыуахьэлІэфын щхьэкІэ. Апхуэдэу пщІэмэ, уэ къэбгъэлъэгъуэнущ гъащІэми лъым теухуауэ Иеговэ къыдита унафэми пщІэ зэрыхуэпщІыр (Апост 15:28, 29).

Дапхуэдэу зэрызыбгъэхьэзыр хъунур?

• Иеговэ тхьэлъэІукІэ зыхуэгъазэ, псоми егупсыси, «Волеизъявление и доверенность относительно медицинского вмешательства» (dpa) жыхуиІэ документым уи еплъыкІэр итхэa. Псым зыщІэзыгъэуахэм а документыр литературэм кІэлъыплъ къуэшым къыІырах хъунущ, балигъ мыхъуа я бынхэм щхьэкІи «Удостоверение личности» (ic) жыхуиІэр къащтэ хъунущ.

• Лъэщыджэхэм зэхуэсым и нэхъыжьхэм «Информация для беременных» (S-401) жыхуиІэ бланкыр къыІырахын хуейщ. А бланкыр абыхэм къадэІэпыкъунущ я узыншагъэм пыщІа упщІэхэм теухуауэ Іущагъ зыхэлъ унафэхэр къащтэну.

• Сымаджэщым уагъэгъуэлъын хуей хъумэ е лъы къыпхагъэлъэдэнкІэ шынагъэ здэщыІэ процедурэ гуэр уащІын хуей хъумэ, зэхуэсым и нэхъыжьхэм хъыбар егъащІэ. Абы нэмыщІ сымаджэщым щылажьэхэм яжеІэ Иеговэ и Щыхьэтхэм ящыщ гуэр къэкІуэну узэрыхуейр.

Зэхуэсым и нэхъыжьхэр дапхуэдэу къызэрыбдэІэпыкъуфынур? «Волеизъявление» бланкыр птхыну ахэр къыбдэІэпыкъуфынущ, ауэ абыхэм уэ уи пІэкІэ унафэ къащтэнукъым икІи щхьэж езым унафэ къыздищтэн хуей упщІэхэм теухуауэ я еплъыкІэр къыбжаІэнукъым (Рм 14:12; Гл 6:5). Лъы къыпхагъэлъэдэнкІэ шынагъэ зэрыщыІэр зэхуэсым и нэхъыжьхэм яжепІа нэужь абыхэм занщІэу сымаджэщхэм зыпыщІэнымкІэ комитетым хыхьэ къуэшхэм хъыбар ирагъэщІэнущ.

Сымаджэщхэм зыпыщІэнымкІэ комитетым хыхьэ къуэшхэр дапхуэдэу къызэрыбдэІэпыкъуфынур? А комитетым щыщ къуэшхэр ирагъэджащ лъы хэгъэлъэдэным теухуауэ Иеговэ и Щыхьэтхэм яІэ еплъыкІэр дохутырхэмрэ юристхэмрэ бгъэдалъхьэфу. А къуэшхэр лъы хэгъэлъэдэным ипІэкІэ щыІэ Іэмалхэм теухуауэ уи дохутырым епсэлъэфынущ икІи, хуей хъумэ, абыхэм уэ уи еплъыкІэм тету узыгъэхъужын дохутыр къыпхуагъуэтынущ.

«ЛЪЫ ЗЫХЭТ ЗЭРЫЗАГЪЭХЪУЖ ІЭМАЛХЭМ ТЕУХУАУЭ УНАФЭ ДАПХУЭДЭУ КЪЫЗЭРЫТЩТЭНУР?» ЖЫХУИІЭ ВИДЕОМ ЕПЛЪИ, УПЩІЭХЭМ ЖЭУАП ЕТ:

• Узыншагъэм пыщІауэ псынщІэу унафэ къыщыпщтэн хуей Іуэхугъуэхэм зыхуэбгъэхьэзырыну мы видеор дауэ къыбдэІэпыкъуфыну?

  Уи жэуапыр