Зи пэжыпІэр умыщІэ хъыбархэр умыгъэбагъуэ

Ди зэманым хъыбар гуэрым газетхэмкІэ, радиомкІэ, телевидениемкІэ икІи интернетымкІэ напІэзыпІэм дуней псом зыщиубгъуфынущ. Пэжыгъэм и Алыхьым хуэлажьэхэм пцІы ягъэбэгъуэну хуейкъым, ар пцІыуэ зэрыщытыр ямыщІами (Пс 31:5; Исх 23:1). Зи пэжыпІэр умыщІэ хъыбарыр бгъэбагъуэу щытмэ, абы зэранышхуэ къихьыфынущ. А хъыбарым и пэжыпІэр зэхэбгъэкІын щхьэкІэ мы упщІэхэмкІэ зэупщІыж:

• «А хъыбарыр къыздикІам дзыхь хуэсщІ хъуну?» А хъыбарыр къызжезыІэжа цІыхум а Іуэхур къызэрекІуэкІар нэгъэсауэ имыщІэнкІэ хъунущ. Зы хъыбар гуэр ІуэрыІуатэу къыщрахьэкІым деж абы Іэмал имыІэу зэхъуэкІыныгъэ къыхыхьэнущ. Абы къыхэкІкІэ а хъыбарыр къызыбгъэдэкІыр ар зылъэгъуа е абы фІыуэ щыгъуазэ цІыхуу щымытмэ, дэ абы дыхуэсакъын хуейщ. Псом хуэмыдэу зэхуэсым пщІэ зыпылъ къалэнхэр щызыгъэзащІэ къуэшхэр сакъын хуейщ, сыт щхьэкІэ жыпІэмэ зэхуэсым щыщ къуэш, шыпхъухэм абыхэм жаІэм дзыхь хуащІ.

• «А хъыбарым цІыху гуэрым и цІэр имыгъэулъийуэ пІэрэ?» А хъыбарым цІыху гуэрым и цІэр игъэулъийуэ щытмэ, ар умыгъэбагъуэмэ нэхъыфІщ (Пр 18:8; Фп 4:8).

• «А хъыбарыр пэжым ещхь?» Егъэлеяуэ гъэщІэгъуэн хъыбархэр занщІэу уи фІэщ умыщІ.

«ЦІЫХУХЭМ Я ЗЭРАН КЪЫЗЭРЫКІЫФЫНУ ХЪЫБАРХЭР ДАУЭ КЪЫЗЭРЫБГЪЭУВЫІЭ ХЪУНУР?» ЖЫХУИІЭ ВИДЕОРОЛИКЫМ ЕПЛЪИ, КЪЫКІЭЛЪЫКІУЭ УПЩІЭХЭМ ЖЭУАП ЕТ:

• 

  Притчи 12:18 (Гъэсэпэтхыдэхэр) зэритымкІэ, псалъэхэм сыт хуэдэ къару яІэ?

• 

  Дэ нэгъуэщІхэм я гугъу щытщІым деж Филиппи 2:4 ит принципыр дауэ къыддэІэпыкъуфыну?

• 

  ЦІыхухэр нэгъуэщІхэм Іей хужаІэу е ауан хэлъу тепсэлъыхьу щыщІадзэм деж сыт дэ тщІэн хуейр?

• 

  НэгъуэщІ цІыхум утепсэлъыхьын ипэ сыткІэ узэрызэупщІыжын хуейр?