ХъыбарыфІыр нэхъыфІу дгъэІуу зыдогъасэ. ЦІыхухэр зыхуэныкъуэм гу лъытэ

АБЫ МЫХЬЭНЭШХУЭ ЩІИІЭР: Уафэм кІуэну гугъэ зиІэхэмрэ щІылъэм щыпсэуну гугъэ зиІэхэмрэ цІыхухэр къыхураджэ «гъащІэ къозыт псым» пщІэ щІамыту ефэну (Апок 22:17). «ГъащІэ къозыт псым» хохьэр цІыхухэр гуэныхьымрэ лІэныгъэмрэ къыІэщІихын щхьэкІэ Иеговэ ищІа псори. ЦІыхур къызыхэкІа лъэпкъымрэ иІыгъ динымрэ емылъытауэ дэ псоми дадэІэпыкъуну дыхуейщ. Абы къыхэкІкІэ «Тхьэм и хъыбарыфІу мыкІуэдыжынумкІэ дэ абыхэм» дащыдэгуашэм деж ахэр зыхуэныкъуэм гу лъыттэн икІи дэтхэнэ зыми бгъэдыхьэкІэ къыхуэдгъуэтын хуейщ (Апок 14:6).

АР ЗЭРЫПЩІ ХЪУНЫР:

• Ущыпсэу щІыпІэм щыпсэу цІыхухэм яфІэгъэщІэгъуэн хъуну темэхэмрэ Библием щыщ едзыгъуэхэмрэ къыхэх. Абы щхьэкІэ цІыхухэм узэрепсалъэ хъун планхэм щыщ гуэр е ехъулІэныгъэ уиІэу къэбгъэсэбэпа Іэмал гуэр къыхэпх хъунущ. Сыт хуэдэ темэхэра е едзыгъуэхэра цІыхухэм нэхъ яфІэгъэщІэгъуэныр? Сыт хуэдэ хъыбарыщІэхэм ахэр тепсэлъыхьрэ? ЦІыхухъухэр сытым тепсэлъыхьыну яфІэфІ, цІыхубзхэм сыт яфІэгъэщІэгъуэныр?

• Ущыпсэу щІыпІэм сэлам зэрахымрэ зэрыпсалъэ хабзэмрэ уигу игъэлъ (2Кр 6:3, 4).

• ХъыбарыфІыр зэрыдгъэІу Іэмэпсымэхэм щыщ ди публикациехэмрэ видеороликхэмрэ зэгъэцІыху, Іэмал уиІэ хъумэ къэбгъэсэбэпын щхьэкІэ.

• Уи щІыпІэм щыпсэу цІыхухэр зэрыпсалъэ бзэхэмкІэ щыІэ публикациехэмрэ видеороликхэмрэ ди сайтым къих.

• ЦІыхур зыхуэныкъуэм теухуауэ узытепсэлъыхь темэр хъуэж (1Кр 9:19—23). Псалъэм папщІэ, узэпсалъэ цІыхум фІыуэ илъагъу гуэр лІэныгъэм ІэщІихауэ къапщІэмэ, фи псалъэмакъым дауэ зэрыпыпщэнур?

ВИДЕОРОЛИКЫМ ЕПЛЪИ, КЪЫКІЭЛЪЫКІУЭ УПЩІЭХЭМ ЖЭУАП ЕТ:

• Ди къуэшым сыт хуэдэ темэкІэ цІыхухъум епсэлъэн зэрыщІидзар?

• А цІыхухъум и гъащІэм сыт къыщыхъуар?

• Библием ит едзыгъуэхэм щыщу цІыхухъум и Іуэхум сыт хуэдэрат нэхъ хуэкІуэр икІи сыт щхьэкІэ?

• Узэпсалъэм фІэгъэщІэгъуэн хъун щхьэкІэ къызэрыщІэбдзэ псалъэхэр уэ дауэ зэрыпхъуэжыр?