Библиер зэрыдджым сэбэпынагъ нэхъыбэ къыхэтхын щхьэкІэ сыт тщІэ хъунур?

АБЫ МЫХЬЭНЭШХУЭ ЩІИІЭР: Библиер куууэ зэрыдджым и фІыгъэкІэ дэ пэжым «и бгъуагъри, и кІыхьагъри, и кууагъри, и лъагагъри» къыдгурыІуэу дохъу (Еф 3:18). Дэ ар иджыри къыддоІэпыкъу мы дуней бзаджэм къабзагъэр щытхъумэну икІи «гъащІэ диІэ зыщІ псалъэхэм» быдэу дытетыну (Фп 2:15, 16). Библиер щыдджым деж дэ дызыгъэпІейтей темэхэр зэпкърытх хъунущ. Библие джыным хухэтха зэманыр дауэ нэхъыфІу къызэрыдгъэсэбэп хъунур?

АР ЗЭРЫПЩІ ХЪУНЫР:

• Едзыгъуэхэр къыхэгъэщ икІи гу зылъыпта гупсысэхэр узэреджэ Библием итхэ, абы электроннэ ІэмэпсымэкІэ уеджэми

• Библием ущеджэкІэ мыпхуэдэ упщІэхэмкІэ зэупщІыж: хэт? сыт? дапщэщ? дэнэ? сыт щхьэкІэ? дапхуэдэу?

• Іэмэпсымэ щыІэхэр къэбгъэсэбэпурэ нэхъыбэ къащІэ. НэхъыфІу къыбгурыІуэну узыхуей Библием щыщ едзыгъуэр е темэр къэлъыхъуэ

• Узэджар къызэрыбгъэсэбэп хъуным егупсыс

• КъэпщІар уи гъащІэм къыщыгъэсэбэп (Лк 6:47, 48)

«АЛЫХЬЫМ И ПСАЛЪЭМ БЫДЭУ УТЕТЫНУ БИБЛИЕР КУУУЭ ЗЭРЫБДЖЫР КЪЫБДОІЭПЫКЪУ» ЖЫХУИІЭ ВИДЕОРОЛИКЫМ ЕПЛЪИ, КЪЫКІЭЛЪЫКІУЭ УПЩІЭХЭМ ЖЭУАП ЕТ:

• Ди къуэш, ди шыпхъухэм Библиер зэраджым теухуауэ сыт жаІэр?

• Библие джыныр тхьэлъэІукІэ сыт щыгъуи щІэбдзэным мыхьэнэшхуэ щІиІэр сыт?

• Библием щыщ пычыгъуэр нэхъыфІу къыбгурыІуэну сыт сэбэп къыпхуэхъунур?

• Узэреджэ Библием сыт иптхэ хъунур?

• Узэджам уегупсысыным мыхьэнэшхуэ щІиІэр сыт?

• КъэтщІа щІэныгъэхэр дауэ къэдгъэсэбэпа хъуну?