Видеороликхэр къэбгъэсэбэпурэ цІыхухэр егъаджэ

Видеороликхэм, сурэтхэм, таблицэхэм, картэхэм Библие джыныр гъэщІэгъуэн ящІ, къэпщІар къыбгурыІуэну икІи уигу ибубыдэну къыбдоІэпыкъу. УщиякІуэшхуэ Иеговэ мыхьэнэшхуэ зиІэ гуэрым зыгуэр хуригъэсэну щыхуейм щыгъуэ апхуэдэ Іэмэпсымэхэр къигъэсэбэпу щытащ (ЩІэдз 15:5; Иер 18:1—6). ЕгъэджакІуэшхуэ Хьисэ Мэссихьи абыкІэ и Адэм щапхъэ трихыу щытащ (Мт 18:2—6; 22:19—21). Иужьрей илъэсхэм къызэрагъэлъагъуэмкІэ, Іэмэпсымэ диІэхэм ящыщу видеороликхэр нэхъ щхьэпэу къыщІэкІащ. ЦІыхухэр Библие щебгъаджэкІэ видеороликхэр щІэх-щІэхыурэ къэбгъэсэбэпрэ?

Библием дызыхуригъаджэхэр нэхъыфІу къыдгурызыгъаІуэ видеороликипщІ дэ иджыпсту диІэщ. Видеороликхэм я цІэхэм къыдгурагъаІуэ сыт хуэдэ темэхэм я гъусэу абыхэм деплъ икІи дытепсэлъыхь хъунуми. А видеороликхэм нэмыщІ нэгъуэщІ Іэмэпсымэхэм я гъусэу къэдгъэсэбэп хъуну видеоролик зыбжани диІэщ.

Ебгъаджэ цІыхум темэ гуэр фІыуэ къыгурымыІуэу щытмэ е гъэунэхуапІэ ихуамэ, абы и Іуэхум хуэкІуэ ролик JW Library® приложением е ди онлайн-телевидением къыщылъыхъуэ. Ебгъаджэм и гъусэу абы еплъи зэпкърых.

Мазэ къэс видеороликыщІэхэр къыдокІ. Абыхэм ущеплъым деж егупсыс цІыхухэр щебгъаджэкІэ ахэр дауэ къэбгъэсэбэп хъунуми.