Алыхьым и хьэл-щэн нэрымылъагъухэр плъагъуу пІэрэ уэ?

ЩхъуэкІэплъыкІэ удз гъэгъа дахэм, вагъуэбэ уафэм, удэзыхьэх псыкъелъэм ущеплъкІэ, ахэр псори Алыхьышхуэм и ІэдакъэщІэкІыу зэрыщытыр плъагъуу пІэрэ уэ? Дыкъэзыухъуреихь дунейм Алыхьым и хьэл-щэн дахэхэр ІупщІу хыболъагъуэ (Рм 1:20). ДыкъэувыІэу дыкъэзыухъуреихь дунейм и дахагъэм дыкІэлъыплъу щытмэ, дэ абыхэм хэтлъэгъуэнущ Алыхьым и къарур, и лъагъуныгъэр, и Іущагъыр, и захуагъэр. Абы нэмыщІ а псом Алыхьым и хьэлэлагъыр къыхощ (Пс 104:24).

Иеговэ и ІэдакъэщІэкІ сыт хуэдэхэр уэ махуэ къэс плъагъурэ? Къалэдэсхэри кІэлъыплъыфынущ бзухэм, жыгхэм. Иеговэ и ІэдакъэщІэкІхэм дызэрыкІэлъыплъыр къыддэІэпыкъунущ ди гугъуехьхэм теухуауэ егъэлеяуэ дымыгузэвэну икІи абыхэм нэгъуэщІынэкІэ деплъыну. Абы нэмыщІ Иеговэ игъащІэ псокІэ и нэІэ къызэрыттригъэтыным теухуауэ дэ ди фІэщхъуныгъэр нэхъ быдэ ищІынущ (Мт 6:25—32). Уэ сабий уиІэмэ, абы дэІэпыкъу Иеговэ и хьэл-щэн дахащэхэр къилъэгъуну. Иеговэ и ІэдакъэщІэкІхэм дегупсысыху дэ абы ди гур хегъахъуэ икІи Алыхьым нэхъ гъунэгъу дыхуохъу (Пс 8:3, 4).

«ЧУДЕСА ТВОРЕНИЯ ПРОСЛАВЛЯЮТ БОГА. СВЕТ И ЦВЕТ» ЖЫХУИІЭ ВИДЕОРОЛИКЫМ ЕПЛЪИ, КЪЫКІЭЛЪЫКІУЭ УПЩІЭХЭМ ЖЭУАП ЕТ:

• Сытым и фІыгъэкІэ дэ плъыфэхэр зэрызэхэдгъэкІыр?

• Плъыфэхэр зэрызэщІэпщІыпщІэм сыт и щхьэусыгъуэр?

• Сыт уафэм плъыфэ зэмылІэужьыгъуэ иІэ щІэхъур?

• Сыт хуэдэ плъыфэ зэмылІэужьыгъуэ зэкІухэр ущыпсэу щІыпІэм щыплъэгъуа?

• Дыкъэзыухъуреихь дуней дахэм дыкІэлъыплъын щхьэкІэ сыт зэман хэтхын щІыхуейр?