Хьисэ и гъащІэр уи къуэшым щхьэкІи итащ

Хьисэ и гъащІэр гуэныхьлыуэ щыт цІыхухэм щхьэкІэ итащ (Рм 5:8). Дэ псоми шэч хэмылъу лъапІэу долъытэ лъагъуныгъэм къыхэкІыу Хьисэ и гъащІэр дэр щхьэкІэ зэритар. Ауэ дэ зэман-зэманкІэрэ дигу къэдгъэкІыжын хуейщ Хьисэ и гъащІэр нэгъуэщІ цІыхухэм щхьэкІи зэритар. Дауэ дэ Хьисэ щапхъэ тетхыу гуэныхьлыуэ щыт ди къуэш, ди шыпхъухэр фІыуэ зэрытлъэгъунур? Япэрауэ, уэ зыгуэркІэ уэмыщхь цІыхухэм уи гур яхузэІупхыу ныбжьэгъу къэпщІ хъунущ (Рм 15:7; 2Кр 6:12, 13). ЕтІуанэрауэ, нэгъуэщІхэм я жагъуэ зыщІын Іуэхухэмрэ псалъэхэмрэ зыщыхъумэ (Рм 14:13—15). Ещанэрауэ, зыгуэрым уи жагъуэ къищІауэ щытмэ, укъэмыгубжьу нэхъ псынщІэу зэрыхуэбгъэгъуным иужь ит (Лк 17:3, 4; 23:34). Мы зи гугъу тщІа лъэныкъуищымкІэ Хьисэ щапхъэ тетхыу щытмэ, ди зэхуэсым Иеговэ и нэфІ щыхуэнущ икІи мамырыгъэрэ зэкъуэтыныгъэрэ абы илъынущ.

«ЗЭХЭЩІЫКІЫМ ДАХЭ ДЕЩІ» ЖЫХУИІЭ ВИДЕОРОЛИКЫМ ЕПЛЪИ, КЪЫКІЭЛЪЫКІУЭ УПЩІЭХЭМ ЖЭУАП ЕТ:

• 

  Мики зэхуэсыщІэм япэу щыкІуам ар дауэ къыщыхъуа?

• 

  Зэхуэсым теухуауэ абы иІа еплъыкІэм зыщІихъуэжар сыт?

• 

  Мики зэхуэсым зэрыхущытыр ихъуэжыну Хьисэ и щапхъэр дауэ къыдэІэпыкъуа? (Мк 14:38)

• 

  Зэхуэсым щыщ къуэшхэмрэ шыпхъухэмрэ нэхъыфІу уахущытыну Притчи 19:11 ит псалъэхэр дауэ къыбдэІэпыкъуну?