«ЯпэщІыкІэ... уи къуэшым екІуж». Дапхуэдэу?

Уи нэгу къыщІэгъэхьэт Хьисэ и зэманым Галилей хэкум ущыпсэууэ. Уэ Ерусалим укъэкІуащ Шэтырхэр щагъэув махуэшхуэхэр бгъэлъэпІэну ухуейуэ. Къалэм щІыпІэ жыжьэхэм къикІауэ цІыху куэд къыщызэхуэсащ. Уэ Иеговэ къурмэн къыхуэпхьыну ухуейщ. Къурмэныпхъэу къэпхьыну псэущхьэр пІыгъыу цІыху Іувым ухэкІыу, Алыхьым и унэшхуэм и лъэныкъуэмкІэ уокІуэ. Абы гъунэгъу ущыхуэхъум уэ болъагъу къурмэн къахьыну хуейуэ цІыху куэд абы зэрыдэтыр. Иджы уи чэзур къэсащ псэущхьэ пІыгъыр дин пашэм ептыну. Асыхьэтым уигу къокІыж уи къуэшым зэрызыкъыпхуигъэгусар. Ар Алыхьым и унэшхуэм къекІуэлІа цІыху Іувым хэту е къалэм дэту къыщІэкІынущ. Хьисэ жиІащ уэ сыт пщІэн хуейми. (Къеджэ Маттэ 5:24.) Сыт фэ фызэкІужын щхьэкІэ фщІэн хуейр? ИщІагъым къыщыхьа рамкэхэм жэуап пэжхэр къыхэх.

УЭ ПЩІЭН ХУЕЙР:

• уи къуэшым ущепсэлъэныр абы зыкъыпхуигъэгусэну щхьэусыгъуэ пэж дыдэу иІауэ щытмэщ.

• уи къуэшым и еплъыкІэр пхъуэжыну ухэтынущ, абы Іуэхур зытетыр тэмэму къыгурымыІуауэ е тІури фыкъуаншэу къэплъытэмэ.

• уи къуэшым фІыуэ уедэІуэнущ и жагъуэ хъуар и кІэм нэс къыбгурымыІуэми икІи къыпхуигъэгъуну уи гум къыбгъэдэкІыу уелъэІунущ, абы умыщІэу и жагъуэ пщІами.

УИ КЪУЭШЫМ ИЩІЭН ХУЕЙР:

• зэхуэсым щыщхэр и лъэныкъуэ ищІыну хэтынущ икІи абы и жагъуэ зэрыпщІар псоми къаригъэщІэнущ.

• епщІар игу къигъэкІыжурэ уигъэкъуэншэнущ икІи узэрыкъуаншэр жыуигъэІэну хэтынущ.

• абы убгъэдыхьэн щхьэкІэ бгъэлъэгъуа Іэдэбагъымрэ лІыгъэмрэ гу лъитэнурэ, и гум къыбгъэдэкІыу къыпхуигъэгъунущ.

Дэ нобэ къурмэн къэдмыхьми, Хьисэ жиІа принципым дауэ къызэригъэлъагъуэр Иеговэ дызэрыхуэлажьэр къищтэну дыхуеймэ, ди къуэшхэмрэ дэрэ ди зэхуаку мамырыгъэ дэлъын зэрыхуейр?