Зэхуэсым къэмыкІуэжхэм дэІэпыкъу

Хьисэ и Пщыхьэщхьэшхэм зэхуэсым къэмыкІуэж куэд къокІуэ. Апхуэдэ ди къуэш, ди шыпхъухэм гъащІэм ухуэзышэ гъуэгум жыджэру ирикІуэн щІадзауэ щытащ, ауэ абыхэм хуэм защІащ (Евр 12:1). Абы щхьэусыгъуэ куэд иІэфынущ икІи а щхьэусыгъуэхэм теухуауэ «Вернись к Иегове» брошюрэм итщ. Абыхэм хуэм защІа пэтми, Иеговэ ахэр иджыри фІыуэ елъагъу, сыт щхьэкІэ жыпІэмэ ахэр и Къуэм и лъы лъапІэмкІэ къищэхужащ (Апост 20:28; 1Пт 1:18, 19). Дауэ абыхэм зэхуэсым къагъэзэжын щхьэкІэ дазэрыдэІэпыкъу хъуныр?

Зэхуэсым и нэхъыжьхэм зэІущІэхэм къэмыкІуэжхэр къалъыхъуэ, дэІэпыкъун щхьэкІэ, мэлыхъуэм и мэл цІыкІу кІуэдар къигъуэтыжыну зэрыхэтым хуэдэу (Лк 15:4—7). АбыкІэ Иеговэ абыхэм и нэІэ зэрытригъэтыр икІи фІыуэ зэрилъагъур егъэлъагъуэ (Иер 23:3, 4). Ауэ зэхуэсым и нэхъыжьхэм имызакъуэу дэри апхуэдэ ди къуэш, ди шыпхъухэм дадэІэпыкъуфынущ. Дэ къару етхьэлІэхэм фІыгъуэ куэд къытхуахьынущ икІи ахэр Иеговэ щыгъупщэнукъым (Пр 19:17; Апост 20:35; Евр 6:10). Аращи, хэт сэбэп ухуэхъуфынуми егупсыси, абы псынщІэу узэрыдэІэпыкъуным иужь ит!

«ВНИМАНИЕ К НЕАКТИВНЫМ» ВИДЕОРОЛИКЫМ ЕПЛЪИ, КЪЫКІЭЛЪЫКІУЭ УПЩІЭХЭМ ЖЭУАП ЕТ:

• Сыт Эбби ищІар хъыбарыфІыр игъэІуу зэхуэсым къэмыкІуэж имыцІыху ди шыпхъум щыхуэзам?

• Зэхуэсым къэмыкІуэж гуэрым удэІэпыкъун ипэ сыт зэхуэсым и нэхъыжьхэм уечэнджэщын щІыхуейр?

• Лорэ деж етІуанэу кІуэн ипэ дапхуэдэу Эбби зэрызигъэхьэзырар?

• Дауэ Эбби Лорэ щыдэІэпыкъум и Іэр иримыхьэхыу шыІэныгъэрэ лъагъуныгъэрэ зэригъэлъэгъуар?

• Лука 15:8—10 ит Хьисэ къихьа щапхъэм сытым дыхуригъасэрэ?

• Эббирэ зэхуэсым и нэхъыжьхэмрэ къару ирахьэлІахэм сыт къыпэкІуар?