АЛЫХЬЫМ И ПСАЛЪЭМ ИТ ХЪУГЪУЭФІЫГЪУЭХЭР | ИСАИЯ 11—16
Иеговэ теухуа щІэныгъэр щІылъэм тез хъунущ
Мы псалъэхэр япэм къызэрыхъуар
Израил лъэпкъыр Бабилэным гъэру щыІауэ я псэупІэм ягъэзэжу гъуэгу здытетми, щІэрыщІэу яухуэжа Иудэ щІыналъэми хьэкІэкхъуэкІэхэм икІи абыхэм ебгъэщхь хъуну цІыху бзаджэхэм щышынэн хуейтэкъым (Езд 8:21, 22).
Мы псалъэхэр ди зэманым къызэрыхъур
Иеговэ теухуа щІэныгъэм цІыхухэм захъуэжыну хуегъэуш. Япэм щыгъуэ тэмакъкІэщІу щытахэр цІыху мамыр, цІыху Іэдэб хъуащ. Алыхьым зэригъасэм и фІыщІэкІэ дуней псом тет Алыхьым и лэжьакІуэхэр жэнэтым щыпсэууэ жыпІэ хъунущ.
Мы псалъэхэр къэкІуэну зэманым къызэрыхъунур
ЩІылъэ псор жэнэт дахэ хъунущ икІи Иеговэ япэу иІа мурадым тету цІыхухэр мамыру, зэгурыІуэу псэунущ. ЦІыхухэми псэущхьэхэми зэраныгъэ лъэпкъ къапыкІынукъым.
Апостол Паул Алыхьым теухуа щІэныгъэм и фІыщІэкІэ зихъуэжащ
Ар фарисейуэ щыщытам хьэкІэкхъуэкІэхэм яхэлъ хьэл-щэнхэм хуэдэ игъэлъагъуэу щытащ (1Тм 1:13).
Абы щІэныгъэ пэжхэр къыдэІэпыкъуащ и хьэл-щэнхэр ихъуэжыну (Кл 3:8—10).