Іэиуб гъэунэхуапІэхэм щихуам Алыхьым хуэпэжу къэнащ

Іэиуб Уц щІыналъэм щыпсэуащ, израил лъэпкъыр Мысырым гъэру щыщыІа зэманым. Іэиуб израил лъэпкъым щымыщами, Иеговэ хуэлажьэт. Абы унагъуэшхуэ иІэт, мылъкушхуэ бгъэдэлът икІи пщІэ къыхуащІт. Абы и чэнджэщхэм едаІуэт икІи захуагъэ зыхэлъ хеящІэу яцІыхут. Іэиуб тхьэмыщкІэхэм дэІэпыкъут. Ар Алыхьым пэжу хуэлажьэт.

Іэиуб къигъэлъэгъуащ Иеговэ нэхърэ нэхъ лъапІэ и гъащІэм зыри зэрыщымыІэр

1:8—11, 22; 2:2—5

• ШейтІаным гу лъитащ Іэиуб Алыхьым пэжу зэрыхуэлажьэм. Абы Іэиуб Иеговэ жыІэдаІуэу зэрыхущытым шэч къытрихьакъым, атІэ зэрыхуэлажьэр и гум къыбгъэдэмыкІыу жиІащ

• ШейтІаным зэрыжиІамкІэ Іэиуб Алыхьым щІыхуэлажьэр и фейдэ хэлъти арат

• ШейтІаным къиІэта упщІэм жэуап иІэн щхьэкІэ, Иеговэ ШейтІаныр хуит ищІащ Іэиуб гугъуехь куэд иригъэшэчыну. А гугъуехьхэр Іэиуб и гъащІэм и лъэныкъуэ псоми лъэІэсащ

• Іэиуб Алыхьым хуэпэжу къэнащ, ауэ ШейтІаным цІыхухэр псори напэ къабзэкІэ Алыхьым зэрыбгъэдэтыфынум шэч къытрихьащ

• Іэиуб гуэныхь къихьакъым икІи Алыхьыр зыкІи игъэкъуэншакъым