75 УЭРЭДЫР
«Сы-мис! СыгъакІуэ сэ!»
1. ЦІыху куэдым нобэ Іей ялэжь,
Алыхьым и цІэр ягъэпуд.
Я гугъэщ гущІэгъуншэу ар,
ЩымыІэу жаІэ, ящІ ІэщІыб.
Тхьэм и цІэр хэт къиІэтыжын?
Хэт къабзэ, лъапІэ ищІыжын?
1 ЕЖЬУ
«Сы-мис! Алыхь, сыгъакІуэ сэ.
УзгъэлъэпІэнущ хахуэу сэ.
ЩІыхьышхуэу къызолъытэ ар, Тхьэ!
Сыхьэзырщ! СыгъакІуэ сэ!»
2. ЗиІэжьэу Тхьэм я гугъэурэ,
Іей псомкІи ягъэкъуаншэ Ар.
Хэт мывэм нобэ щхьэщэ хуещІ,
Пащтыхьым хэти и псэр хэлъщ.
Хэт бзаджэм и кІэр жриІэн,
Губжь махуэр хэт иригъэщІэн?
2 ЕЖЬУ
«Сы-мис! Алыхь, сыгъакІуэ сэ!
Хъыбар цІыху псоми езгъэщІэнщ.
ЩІыхьышхуэу къызолъытэ ар, Тхьэ!
Сыхьэзырщ! СыгъакІуэ сэ!»
3. Дунейм Іей къыщекІуэкІыу хъуар
Іэдэбхэм хуабжьу къохьэлъэкІ.
Алыхьыр дауэ къацІыхун?
Гупсэхур дауэ зыхащІэн?
Хэт я гур фІы хуищІыжыфын,
Пэжыгъэр къаригъэцІыхун?
3 ЕЖЬУ
«Сы-мис! Алыхь, сыгъакІуэ сэ!
Щабагъэ схэлъу езгъэджэнщ.
ЩІыхьышхуэу къызолъытэ ар, Тхьэ!
Сыхьэзырщ! СыгъакІуэ сэ!»