КъэтщІэну дызыхуей щэхур

Щэху гуэр къыбжаІауэ пІэрэ зэгуэр?~a Алыхьым къыбгъэдэкІ мыхьэнэшхуэ зиІэ щэху гуэр Библием итщ. А щэхум теухуауэ цІыхухэм зыри ящІэртэкъым. МелыІычхэми а щэхум теухуауэ нэхъыбэ къащІэну хуейт. КъэпщІэну ухуей уэ а щэхур?~

Зэман куэд ипэкІэ Алыхьым къигъэщІауэ щытащ япэ цІыхухъумрэ цІыхубзымрэ. Абыхэм я цІэт Іэдэ́мрэ Хьэуа́рэ. Алыхьым абыхэм унэ яхуэхъун Іэдэ́н жыг хадэ дахэр яритат. Іэдэмрэ Хьэуарэ Алыхьым едаІуэу щытамэ, езыхэми абыхэм я бынхэми дуней псор а хадэ дахэм хуэдэу жэнэт яхуэщІынут. Ахэр Жэнэтым игъащІэкІэ щыпсэуфынут. Ауэ пщІэжу пІэрэ Іэдэмрэ Хьэуарэ ящІар?~

Ахэр Алыхьым едэІуакъым. Аращ дэ нобэ жэнэтым дыщІыщымыпсэур. Ауэ Алыхьым жиІащ щІылъэ псор хадэ дахэ ищІыжыну, дэтхэнэ зы цІыхури насыпыфІэу икІи мыухыж гъащІэ иІэу псэун щхьэкІэ. Дауэ-тІэ Алыхьым ар зэрищІынур? ЦІыхухэм ар зэман куэдкІэ ящІакъым. Ар щэхуу къанэт.

Хьи́сэ Мэсси́хь щІылъэм къыщыкІуам щыгъуэ, а щэхум теухуауэ цІыхухэм яжриІэу щІидзащ. Абы жиІащ а щэхур Алыхьым и Пащтыхьыгъуэм зэрытеухуар. (14-нэ урокым Алыхьым и Пащтыхьыгъуэр зищІысыр къыщытщІэнущ.) Хьисэ а Пащтыхьыгъуэр къэкІуэн щхьэкІэ Алыхьым елъэІуну цІыхухэр игъасэрт. А зыращ дуней псор жэнэт дахэ зыщІыфынур.

Иджы а щэхур къызэрыпщІам ущыгуфІыкІрэ?~ Зыщомыгъэгъупщэ, Иего́вэ едаІуэхэращ Жэнэтым щыпсэунур. Библием Иеговэ едаІуэу щыта цІыху куэдым я хъыбар итщ. Абыхэм щыщ гуэр пцІыхуу пІэрэ?~ А цІыхухэм я хъыбархэм дегъаджи, щапхъэ зэрытетхыфынум дегъэгупсыс.