Maũndũ Ala Tũkwĩmanyĩsya Kuma Ũtavanyʼa wa Kĩĩmanĩ wa Yesũ

5:3

We nũthĩnĩkĩaa mavata maku ma kĩ-veva?

Mũndũ wĩ “na ũkya wa ngoo” ethĩawa ayonanyʼa nũkũelewa kana nĩwaĩle kũtetheewʼa nĩ Ngai. (Mt 5:3) Ithyĩ no twonanyʼe kana twĩ na wendi wa kũtetheewʼa nĩ Ngai kwa . . .

• kũsoma Mbivilia kĩla mũthenya

• kwĩyũmbanĩsya maũmbano ma Kĩklĩsto na kũendaa maũmbanonĩ asu

• kũsomaa mavuku maitũ, na ethĩwa ve ĩvinda, tũisoma ũvoo ũla wĩ Kĩsesenĩ kitũ

• kwĩloela vulongulamu ya JW Broadcasting ya kĩla mwei

Ndonya kwĩka ata nĩ kana naĩlangye mũvango wakwa wa kwĩyĩĩthya kĩ-veva?