Be Baibo Ta Yẹ Rẹji Emhin Nọn Manman Ha Ghan bhi Otọ Agbọn Rebhe?

Bhi Jun 2022, prẹsidẹnt ọsi World Bank Group da yọle ghe, “ọne agbọn nan rebhe ribhi okhẹnan ranmhude igho iyẹ manman ribhọ, sẹyẹ emhin manman ha ghan gbera ọnikhẹ.” “Bhi ejayenan nian, igho nan rẹ ha dẹ emhin wo ha khua okhun ranmhude emhin nọn ha ghan, sokpan, ẹbho imhọn igho nin ele rẹ dẹ ene emhin.”

International Monetary Fund da yọle ghe, “igho nan rẹ ha dẹ Fuẹl bi ebale wo ha khua okhun, manman nọn bhi agbaẹbho ne imhọn igho.”

Baibo rẹkpa mhan rẹ lẹn ebezẹle nin emhin da manman re inian ha ghan, ebe ha rẹ rẹkpa mhan rẹ sabọ ziẹngbe ọle, yẹ rẹ ikhuẹloghe nin mhan rẹji ẹghe odalo nọn mhẹn.

Emhin nọn manman ha ghan bhi “ẹghe ọkike” ọsi ọne agbọn nan

• Baibo da tie ọne ẹghe nin mhan da nyẹnlẹn nan “ẹghe ọkike” ọsi ọne agbọn nan.—2 Timothy 3:1.

• Jesu da yọle ghe “emhin ne re ofẹn mun,” la emhin ọhanilo kẹkẹ dẹ ha sunu bhi ọne ẹghe nan.(Luke 21:11) Ọ manman wo re ofẹn mun ẹbho sade emhin manman ha ghan. Sẹyẹ, ene bunbun ki wo ha kpokpo egbe rẹji ẹghe odalo, la ha riale si ele dẹ sabọ ha gbẹloghe azagba-uwa nọnsele.

• Ebe ọsi Revelation bhi Baibo da tẹmhọn ebi emhin ha rẹ ha ghan yẹ bhi ọne ẹghe nan. Ọ da yọle: “Mẹn da họn emhin nọn diabe ururu . . . yọle, ‘Ukpu nọn khere nẹ ọsi wheat ki ha yi de·narʹi·us ọkpa, ea bhi ukpu nọn khere nẹ ọsi barley ki ha yi de·narʹi·us ọkpa.’”—Revelation 6:6, Easy-to-Read Version.

Nin uwẹ rẹ luẹ ebi Baibo tale rẹji “ẹghe ọkike” ọsi ọne agbọn nan, bi ọta akhasẹ nọn ribhi ebe ọsi Revelation bhi Baibo, ghe ọne vidio natiọle Ọne Agbọn Nan Wo Fidenọ Rẹ Na bhi Ukpe 1914 Ha Vade, Uwẹ ha yẹ tie ọne uhọnmhọn-ọta nọn yọle “The Four Horsemen—Who Are They?” (Ene Ikpea Enẹn Ne Ha Hẹn Akasi—Hela Ele Khin?)

Ọkpẹnlẹn rẹji a bha miẹn rẹ lu

• “Ele dẹ bọn uwa yẹ nyẹn bhọ, ele dẹ kọ emhin yẹ le ọne ebale. Ele ida bọn uwa nin ọria ọbhebhe dọ ha nyẹnlẹn bhọ, ele ida kọ emhin nin ọria ọbhebhe dọ le ọne ebale.”—Isaiah 65:21, 22.

• “Ebale dẹ manman vuọn ọne otọ nan; ọ dẹ kpọfiara a bhi uke oke.”—Psalm 72:16.

• “Inian Jehova tale, ranmhude eria nan denyẹnyẹn ne ha vie oya, ranmhude eviẹ ọsi ene ibhioguele, mẹn dẹ lu emhin.”—Psalm 12:5.a

Osẹnobulua dẹ kẹ re ọkpẹnlẹn ọbhi a bha miẹn rẹ lu bhi otọ agbọn rebhe. Nin uwẹ rẹ lẹn ebi ọle ha rẹ lu ọle yẹ, tie ọne uhọnmhọn-ọta nọn yọle, “Is a Fair Economic System Possible?” (Ẹghe Be Ribhọ Nin Ọrebhe Ha Rẹ Ha Miẹn Rẹ Lu?)

Sokpan, Baibo dẹ yẹ sabọ rẹkpa mhan rẹ ha ziẹngbe ọkakale ọsi emhin nọn ghan ẹlẹnan nian. Be ọ ha rẹ sabọ lu iriọ yẹ? Adia kẹkẹ ribhi Baibo ne ha rẹkpa mhan rẹ sabọ ha noo igho nọnsẹmhan nọnsẹn. (Proverbs 23:4, 5; Ecclesiastes 7:12) Nin uwẹ rẹ luẹ ba ọnan, tie ene uhọnmọn-ọta nọn yọle, “Protect Your Livelihood” (Gbega Emhin Iẹnlẹn Nọnsẹ Nọnsẹn) bi “How to Live on Less.” (Ebe Ha Sabọ Rẹkpa Uwẹ Sade Uwẹ Imanman Mhọn Emhin)