Ifoto Nan Drọ Rẹkpa Ọria Rẹ Ye Ebi Ọle Luẹle Re

Ọ i yi emhin nọn lẹkhẹ nan rẹ wo ha ye emhin nan luẹle re ẹghe rebhe. Ọrẹyiriọ, ọ wo lẹkhẹ nan rẹ ye iman-emhin nesi Jesu re, ranmhude arẹkhọkhọ ọle kẹ wo ha noo rẹ man emhin. Uwẹ ha re ọkhọle munọ ebi Jesu tẹmhọnlẹn, ọ ki rẹkpa uwẹ rẹ sabọ ye ele re. Iriọ yẹ nọn, uwẹ dẹ sabọ ha ye ebi uwẹ luẹle re sade uwẹ re ọkhọle munọ ele. Be uwẹ ha rẹ sabọ lu ọnan yẹ? Sade uwẹ drọ ifoto ọsi ebi uwẹ luẹ ọbhi otọ.

Ẹbho ne drọ ifoto ọsi emhin ọgbọn nin ele luẹ ọbhi otọ kẹ wo ye ebi ele luẹ re. Ọ i yi ikpọta nan noo rẹ man ele emhin ọkpa ọ rẹkpa ele rẹ yere, ọ yẹ rẹkpa ele rẹ ye emhin kpataki nan tẹmhọnlẹn re. Ele i drọ ifoto nọn nọghọ gbe, ọnọn lẹkhẹ ele drọ. Ifoto nan drọ manman wo rẹkpa ene wanre rẹ ye emhin nin ele luẹle re.

Ẹghe ọbhebhe nin uwẹ ha rẹ luẹ Baibo, dọnmhegbe rẹ drọ ifoto ọsi emhin nin uwẹ luẹle ọbhi otọ. Uwẹ ha lu iriọ, uwẹ dẹ daghe ebi ọ ha rẹ rẹkpa uwẹ yẹ rẹ ye ebi uwẹ luẹle re!