UNYẸNMHIN NỌN KHẸKE ENE RẸKHAN IJESU
Ebi Uwẹ Ha Lu Rẹ Sabọ Ha Tuẹn Elin Nọn Mhẹn Nin Mhan Mhọnlẹn Okhun Yẹ
Ẹbho gbẹlokotọ bhi uwedẹ nin Esali Jehova rẹ lu emhin. (1Co 4:9) Mhan dẹ sabọ nọọn egbe mhan yọle, ‘Uwedẹ nin mẹn rẹ talọ yẹ rẹ lu emhin be re ogẹn ji Jehova?’ (1Pe 2:12) Mhan bha ho nin mhan lu emhin soso nọn ha re itọn sin elin nọn mhẹn nin Esali Jehova mhọnlẹn.—Ec 10:1.
Bhi ene idia nan kẹkẹ, gbẹn uwedẹ nọn khẹke nin Kristiẹn rẹ lu emhin bi adia bhi Baibo nọn ha sabọ rẹkpa:
Sade ọria nọn iga Jehova re ẹkẹ khọ uwẹ
Sade ukpọn nin uwẹ yọ, moto nọnsẹ la uwa nọnsẹ gbitọn an
Sade uhi nan re ọbhi otọ bha yẹẹ uwẹ rẹ re obọ rẹkhan
Be ibhio mhan ne gua-otọ emhin ne ribhi Dipatmẹnt Nọn Mhọn Obọ Bhi Ebe Nan Gbẹn rẹ wẹnna kaka yẹ nin mhan da sabọ ha mhọn elin nọn mhẹn?
GHE ỌNE IVIDIO NATIỌLE HA TUẸN OYẸẸ NIN UWẸ MHỌN DA ẸMHỌANTA OKHUN. BHA HA KI GHE ỌLE FO, WANNIẸN ỌNE INỌNTA NAN:
Be manman ti uwẹ bhọ nẹ bhi uwedẹ nin agbotu rẹ dọnmhegbe rẹ gbẹn ebe nesẹmhan dagbare bhi uwedẹ nọn gbale?