UNYẸNMHIN NỌN KHẸKE ENE RẸKHAN IJESU
Ele Wẹnna Kaka Rẹ Rẹkpa Mhan
Ọkhọle rebhe, ọle efẹotughe bi ikhuo ele rẹ re oyẹẹ man ibhio mhan nin ele re ẹnẹ je. Bii mhan rebhe, ele yẹ mhọn emhin nin ele ria ẹmhọn ọlẹn, emhin ne re egbe lo ọle, la nọn re ele kpokpo egbe. (Jas 5:17) Ọrẹyiriọ, ẹmhọn ebi ele ha rẹ re izebhudu nin ibhio mhan yẹ nin ele re ẹnẹ je uzana-uzana, ọle ele mun kalo. Ọ wo khẹke nin mhan ha mun ekpẹn nọn khua nin efẹotughe.—1Ti 5:17.
Ẹghe nin Pọl nin odibo rẹ ha muegbe ẹnẹ nin ọle ha re ji agbotu nọn ribhi Romu nin ọle dọ re “ẹseọhẹ ọsi oriọn” nin ele bhi enin, ọle da ha ria ẹmhọn izebhudu nin ele ha ko re “nin egbe” bhi enin. (Ro 1:11, 12) Uwẹ be sẹ ria ẹmhọn ebi uwẹ ha rẹ re izebhudu nin ọfẹotughe nọnsẹbha bi okhuo ọle yẹ, sade ọle mhọn okhuo?
GHE ỌNE IVIDIO NATIỌLE IWẸNNA ỌSI ỌFẸOTUGHE. BHA HA KI GHE ỌLE FO, WANNIẸN ENE INỌNTA NAN:
Uwedẹ nela efẹotughe bi ikhuo ele rẹ re ọkhọle rebhe re oyẹẹ man agbotu?
Elele nela uwẹ sẹ miẹn bhi obọ ele?
Be imhan ha rẹ sabọ re izebhudu nin ele yẹ?