“Oyẹẹ ọsi Kristi, ọle hi ebe ziẹn mhan udu.”—2Co 5:14
UNYẸNMHIN NỌN KHẸKE ENE RẸKHAN IJESU
Uwẹ Dẹ Be Lu Iwẹnna Ọkanẹfan ọsi Uki Eso bhi Uki ọsi March la April?
Ọ dẹ be yẹẹ uwẹ rẹ lu gbera eka nin uwẹ ka lu khẹ bhi ẹghe Ayere ọsi Uyumhin Nọnsi Jesu? (2Co 5:14, 15) Uwẹ dẹ sabọ zẹ nin uwẹ rẹ noo uriagogo 30 la 50 rẹ lu ọne iwẹnna ọkanẹfan ọsi uki eso bhi March bi April. Ahamiẹn uwẹ dẹ sabọ lu ọle, gbẹn vuọn ọne ebe nan rẹ lu iwẹnna ọkanẹfan ọsi uki eso, uwẹ ha yẹ re ọle nin ene ewanlẹn bhi agbotu nọnsẹ. Uki-uki a rẹ tie elin ọsi ene ha lu iwẹnna ọkanẹfan ọsi uki eso dagbare bhi ikolo oga. Bhiriọ, ibhio mhan nekẹle ki sabọ re iyobọ nin ele bhi iwẹnna itẹmhọn Osẹnobulua. Bha ji mhan rebhe lu eka nin mhan ha sabọ lu bhi ọne ẹghe Ayere ọsi Jesu rẹ ha lu iwẹnna itẹmhọn Osẹnobulua gbera ọnikhẹ yẹ re izebhudu nin egbe.—1Th 5:11.