Hela Uwẹ Ha Tie?

Ukpe-ukpe mhan rẹ tie ẹbho nin ele dọ deba mhan lu iluemhin Ayere ọsi Uyumhin Nọnsi Jesu. Mhan bha lẹn ene bunbun bhi ẹwẹ ene ẹbho nan. Rẹ deba ene ẹbho nan, ọ yẹ khẹke nin mhan tie ẹbho nin mhan lẹnlẹn. Ẹghe eso, ẹbho ne sẹnian, ele vae nẹ. (yb08 11 ¶3; 14 ¶1) Hela uwẹ lẹnlẹn nin uwẹ ha sabọ tie?

• Ibhio uwẹ

• Ene ibha ko yo isiku la ene ibha ko wẹnna

• Idiake nesẹ

• Afikie yo nesẹ, ẹbho nin uwẹ ka ha man ele iBaibo khẹ, bi ẹbho nin uwẹ man ele iBaibo nian.

Sẹyẹ, ene ewanlẹn bhi agbotu dẹ dọnmhegbe nin ele rẹ tie ibhio mhan ne iyẹ sasa bhi oga. Ahamiẹn ghe ẹbho nin uwẹ lẹnlẹn nin uwẹ guanọ nin uwẹ tie inyẹnlẹn sikẹ uwẹ, uwẹ dẹ yẹ sabọ tie ele. Uwẹ dẹ miẹn ẹghe bi eji a ha da lu ọne iluemhin bhi eji ele da nyẹnlẹn sade uwẹ diọbhi jw.org. Diọbhi ẸMHỌN MHAN, uwẹ ha piẹn “Ayere.” Beji uwẹ ha rẹ ha muegbe khẹ iluemhin Ayere ọsi Uyumhin Nọnsi Jesu nan ha do bhi ọne ukpe nan, ria ẹmhọn ẹbho nin uwẹ ha tie, uwẹ ha dọnmhegbe rẹ tie ele.