Ẹmhọn Eria Ne Khiale Ti Jehova Bhọ

Enebiọmọn man imọn nesele ebi ele ha rẹ ha kpe egbe nọnsele bi eji ele da nyẹnlẹn khia yẹ. Ele ki ha taman ele “Dọ kpe obọ a. Dọ hẹnhẹn ugha nọnsẹ. Dọ gbọnọ. Dọ mun iku kua.” Ọrẹyiriọ, obọ Osẹnobulua ene uhi nan rẹji ikhiale gene na vae. (Ex 30:18-20; De 23:14; 2Co 7:1) Ọ re ogẹn ji Jehova sade mhan kpe egbe mhan bi emhin nesẹmhan khia. (1Pe 1:14-16) Eji mhan da nyẹnlẹn kii? Mhan yẹ wo dọnmhegbe nin mhan rẹ hẹnhẹn eje rebhe nọn ha mhọn-ose. Mhan bha diabe eria bhi ọne agbọn nan ne gbe iku bhi eje rebhe. (Ps 115:16; Re 11:18) Emhin ne bunbun nin mhan lu dẹ sabọ rẹman si eria ne khiale mhan khin, rẹ sẹbhi ebi mhan rẹ ne ikpebe isweet, ọgo amẹn, la shingum fia yẹ. Bhi emhin rebhe nin mhan lu, ọkhẹke nin mhan ha “rẹman ghe eguọnmhandia nesi Osẹnobulua mhan khin.”—2Co 6:3, 4.

GHE ỌNE IVIDIO NATIỌLE ẸMHỌN ERIA NE KHIALE TI OSẸNOBULUA BHỌ. BHA HA KI GHE ỌLE FO, WANNIẸN ENE INỌNTA NAN:

• Be hi emhin eso nin ẹbho yọle ghe ọ zẹle nin ele da re otọ nin emhin nọnsele rẹ gbe itọn an?

• Be uhi nin Osẹnobulua na obọ iMoses gbe nin ibhokhan Izrẹl rẹ rẹman yẹ ghe ọle guanọ nin mhan khia?

• Be imhan ha rẹ sabọ re ogẹn ji Jehova yẹ aharẹmiẹn mhan bha ta emhin soso?