Ene Biẹ Ọmọn, Bha Rẹkpa Imọn Nesẹbha Nin Ele Rẹ Sabọ Ha Ga IJehova Nọnsẹn

Ọmanman yẹẹ ene biẹ ọmọn, sade imọn nesele ga iJehova nọnsẹn. Ene biẹ ọmọn dẹ sabọ rẹkpa imọn nesele rẹ ha ga iJehova nọnsẹn sade ele nanbhi egbe ọbhokhan ha man ele emhin ne ribhi ẹkẹ iBaibo. (De 6:7; Pr 22:6) Ọnan iyi obhi ẹsọn khere! Ọkpakinọn, elele nọn khua ele ha miẹn bhọ.—3Jo 4.

Emhin ne bunbun ribhọ nin ene biẹ ọmọn ha miẹn luẹ bhi obọ ọsi Joseph bi Mary. Ukpe ukpe iJoseph bi Mary rẹ ha yo iluemhin ọsi Anagbera nan ha lu bhi Jerusalem. Arẹmiẹn ghe ọ dẹ gbe ele ahu bi igho, ele da sẹyẹ wo ha yo. (Lu 2:41) Ọnan rẹman ghe, ele guanọ nin azagba uwa nọnsele manman sikẹ iJehova. Iriọ yẹ nọn rẹji ene biẹ ọmọn ẹlẹnan. Ọkhẹke nin ele dia imọn nọnsele ọbhi uwedẹ nọn gbale. Ele dẹ sabọ lu ọnan sade ele re ọta nin ele ta, bi ijiẹmhin nọnsele man ele emhin ẹghe rebhe.—Ps 127:3-5.

GHE ỌNE IVIDIO NATIỌLE ELE BHA FI KEKE GBE ISẸHOA NIN ELE HA MHỌNLẸN. BHA HA KI GHE ỌNE IVIDIO FO, RE EWANNIẸN ỌBHI ENE INỌNTA NAN:

• Arẹmiẹn ghe iJon bi Sharon Schiller ha bẹẹ imọn, be bhọ ele rẹ mun oga nọnsi Jehova kalo yẹ?

• Bezẹle nọn da khẹke nin ene biẹ ọmọn ha re uwedẹ kẹkẹ dia ọdeọde bhi imọn nesele?

• Be bhọ ene biẹ ọmọn ha rẹ rẹkpa imọn nesele yẹ, nin ele sabọ khọn edọnmhẹn rẹji urẹọbhọ nọnsele?

• Bhi ẹwẹ emhin kẹkẹ nin agbotu nọnsi Jehova lu, ọnela uwẹ sẹ noo nin uwẹ rẹ rẹkpa imọn nesẹ rẹ sabọ kiẹn imọẹ iJehova?