UNYẸNMHIN NỌN KHẸKE ENE RẸKHAN JESU
Uwẹ Dẹ Sabọ Rẹkpa Ene Iyẹ Sasa bhi Oga
Ẹdẹ iTuesday, April 11, ibhio mhan ne bunbun ne iyẹ sasa bhi oga dẹ vae bhi Ayerẹ ọsi Uyumhin nọnsi Jesu. Ele ka rẹ deba mhan ha ga nọnsẹn, akizẹbue, emhin eso nan tẹmhọnlẹn bhi ọne brokiọ natiọle Return to Jehovah da re ele miẹn ghe ele iyẹ sasa bhi oga. (Heb 12:1) Ọrẹyiriọ, ele sẹyẹ manman ghan bhi ẹlo nọnsi Jehova, ranmhude aranlẹn nọnsi Ọmọn nọnsọle ọle rẹ dẹ ele. (Ac 20:28; 1Pe 1:18, 19) Be imhan arẹ sabọ rẹkpa ele yẹ nin ele da sabọ fikiere vae bhi agbotu?
Beji ọsun-ohuan rẹ gbẹlokotọ guanọ ohuan nọn bibi, iriọ ene ewanlẹn bhi agbotu rẹ manman dọnmhegbe nin ele rẹ guanọ ibhio mhan ne iyẹ sasa bhi oga. (Lu 15:4-7) Ọnan rẹman ebi Jehova rẹ hoẹmhọn ele yẹ. (Jer 23:3, 4) Ọkpakinọn, ọiyi ene ewanlẹn ọkpa da rẹkpa ele, imhan rebhe nọn. Mhan ha dọnmhegbe nin mhan rẹ re ifuẹkẹle bi arianegbe man ele, ọ manman yẹẹ iJehova. Mhan ki yẹ miẹn elele bhọ. (Pr 19:17; Ac 20:35) Bhiriọ, ria ẹmhọn ọria nin uwẹ ha sabọ rẹkpa, uwẹ ha yẹ jiẹjie rẹkpa le!
GHE ỌNE IVIDIO NỌN YỌLE RẸKPA ENE IYẸ SASA BHI OGA. BHA HA KI GHE ỌNE IVIDIO FO, RE EWANNIẸN ỌBHI ENE INỌNTA NAN:
Bebhọ Abbey lu yẹ ẹghe nin ọle rẹ miẹn Ọsali Jehova ọkpa nin ọle bha lẹn?
Bezẹle nọn da khẹke nin mhan ka taman ene ewanlẹn bhi agbotu fo sade mhan ho nin mhan rẹkpa ọria nọn iyẹ sasa bhi oga?
Bebhọ Abbey rẹ muegbe yẹ ọkuẹsẹ ọle bu Laura ọsi ugbazeva?
Bebhọ Abbey rẹ rẹtẹ re iziẹngbe bi ahoẹmhọn-egbe rẹ ze iLaura udu yẹ?
Bebhọ imhan ha miẹn luẹ bhi ọta nin Jesu ta nọn ribhi Luke 15:8-10?
Bebhọ elele nọn nanbhọ re ranmhude ọrebhe ku obọ gbe rẹ rẹkpa iLaura?