Be Imhan Ha Rẹ Re Osẹnobulua Ha Ghọnghọn Yẹ?

Re obọ sibhi emhin ne imhẹn re. 1 Corinthians 6:9, 10

Ahamiẹn mhan hoẹmhọn iJehova, mhan ida ha lu emhin nin ọle hele.

Jehova bha guanọ nin mhan ha ra. Ọle bha guanọ nin mhan ha da anyọn gbe-egbe, la ha noo ikhunmhun bhi uwedẹ nọn bha khẹke.

Emhin ebhebhe nin Osẹnobulua hele hi, ugbele, iria ọmọn an, bi nin okpea rẹ ha ne okpea nowẹ, la nin okhuo rẹ ha ne okhuo nowẹ. Sẹyẹ, ọle bha guanọ nin mhan ha mhọn ẹlobhọ, la nin mhan ha khọnlẹn.

Ọ bha khẹke nin mhan ha ga ẹbọ, la ha ne obọ ọbhi ilọnmhọn ikpẹbo.

Eria ne imhẹn ida ha ribhi Agbọn Ọfubhegbe nin Osẹnobulua mun vade.

Ha lu emhin ne mhẹn. Matthew 7:12

Ahamiẹn mhan guanọ nin Osẹnobulua ha re ẹlo esili ghe mhan, ọkhẹke nin mhan ha re egbe khọkhọ ọle.

Rẹman uwẹ hoẹmhọn ẹbho nekẹle, beji uwẹ ha rẹ ha mhọn ifuẹkẹ da ele, yẹ re emhin nin ele.

Rẹban ohoghe bi ẹki eku.

Ha mhọn itohan da ẹbho, yẹ rẹhunmhan ele.

Ha tẹmhọn iJehova bi ikpẹ esili nesọle man ẹbho.—Isaiah 43:10.