OBỌ 1
Be Imhan Ha Rẹ Sabọ Ka Osẹnobulua Ehọ Yẹ?
Baibo Osẹnobulua rẹ ne imhan talọ. 2 Timothy 3:16
Osẹnobulua ọsi ẹmhọanta da noo ẹbho rẹ gbẹn ebi ọle mhọn bhi ọkhọle ọbhi ẹkẹ ebe ọkpa. Ọne ebe nan a tiọle iBaibo. Emhin kẹkẹ ribhi ẹkẹ ọle nin Osẹnobulua guanọ nin uwẹ lẹn.
Osẹnobulua lẹn emhin ne ha mhẹn mhan bhi egbe. Obọ nọnsọle ẹwanlẹn nọn gbale na vae. Uwẹ ha ka ọle ehọ, uwẹ ki gene ha wanlan. —Proverbs 1:5.
Osẹnobulua guanọ nin ọrebhe bhi ọne otọ nan ha tie iBaibo. Baibo ki ribhi urolo ne bunbun nian.
Ahamiẹn uwẹ guanọ nin uwẹ ha ka Osẹnobulua ehọ, ọkhẹke nin uwẹ ha tie iBaibo yẹ lẹn otọ ọle.
Ẹbho bhi ije kẹkẹ wo kaehọ. Matthew 28:19
Esali Jehova dẹ sabọ rẹkpa uwẹ rẹ lẹn otọ iBaibo nọnsẹn.
Ele man ẹbho ẹmhọanta nọnsi Osẹnobulua bhi ọne otọ agbọn nan rebhe.
Uwẹ ida haosa bhi ene iman-emhin nan. Uwẹ dẹ yẹ sabọ luẹ ẹmhọn Osẹnobulua bhi Kindọn Họọ ọsi Esali Jehova.