Ha Luẹ Baibo, Uwẹ Ha Yẹ Ha Man Ẹbho Ebi Uwẹ Luẹ

Ahamiẹn mhan luẹ Baibo, ọ re mhan ghọnghọn bhi iẹnlẹn. Ọkpakinọn, ahamiẹn mhan taman ẹbho emhin oriọn kẹkẹ nin mhan luẹle, ọle mhan ha da ghọnghọn nẹ. Proverbs 11:25 yọle: “Ọria nọn hi ki rẹ khin nọn re ọfubhegbe nin eria ọbhebhe, a dẹ yẹ re ọfubhegbe nanlẹn.”

Ahamiẹn mhan taman ẹbho ebi mhan luẹle, ọ ki rẹkpa mhan rẹ ha ye ebi mhan luẹle re. Sẹyẹ, mhan ki manman dọ lẹn otọle nọnsẹn. Ọ manman rẹ mhan ghọnghọn rẹ man ẹbho ene emhin oriọn nan nin mhan luẹle bhi Baibo, ranmhude, mhan lẹnmhin ghe ọ dẹ sabọ rẹkpa ele.—Iwẹn. 20:35.

Ebi uwẹ ha sabọ lu: Bhi uzana nọn vade, guanọ isẹhoa rẹ ta ebi uwẹ luẹle bhi Baibo man ọria. Ọne ọria nin sabọ rẹ ha yi ọria bhi azagba-uwa nọnsẹ, ọria nin ibha ko ribhi agbotu, ọne ibha ko wẹnna, ọne ibha ko yo isiku, ọria nin uwẹ kere bhi inẹbho, la ediake nọnsẹ. Tale man ọlẹn beji ọ rẹ ri uwẹ bhi ọkhọle, beji ọ ha da lẹkhẹ nanlẹn rẹ lẹn otọ ebi uwẹ taman ọlẹn.

Ebi ọkhẹke nin uwẹ yere: Taman ẹbho ebi uwẹ luẹle bhi Baibo, beji uwẹ ha da sabọ re ọle ko ele udu re. Hẹi tale man ele ranmhude ghe uwẹ ho nin ele ha gẹn uwẹ.—1 Kọr. 8:1.