MEE 5-11
PROVERBS 12
Illo 101 Bi Erọnmhọn | Ọta Nan Ha Rẹ Munhẹn (Ihuẹnlo 1)
1. Elele Ribhọ Sade Mhan Wẹnna Kaka
(Ihuẹnlo 10)
Hẹi noo ẹghe nọnsẹ rẹ ha khu ọbhi emhin ne bha kiọnlẹn (Pr 12:11)
Ha wẹnna kaka, uwẹ ha yẹ ha lu eka nin uwẹ ha sabọ lu (Pr 12:24; w16.06 30 ¶6)
Uwẹ dẹ miẹn elele nin uwẹ rẹ wẹnna kaka (Pr 12:14)
EBI UWẸ HA RẸ LU ỌLE YẸ: Mhan ha ria ẹmhọn ebi iwẹnna nọn kakale nin mhan lu rẹ rẹkpa ẹbho nekẹle yẹ, ọ dẹ rẹkpa mhan rẹ ha sọnyẹnmhẹn bhi ọne iwẹnna.—Iw 20:35; w15 2/1 5 ¶4-6.
2. Emhin Oriọn Ne Ghanlẹn
(Ihuẹnlo 10)
Pr 12:16—Be adia nọn ribhi ọne ulọnlẹn nan ha rẹ sabọ rẹkpa ọria rẹ deziẹn yẹ sade ọle kuẹlo da idia nọn kakale? (Uhọnmhọn-ọta nọnzi 95 bhi ijwyp ¶10-11)
Emhin nela uwẹ miẹn luẹ bhi eji a tie bhi Baibo ọne uzana nan nin uwẹ ho nin uwẹ taman mhan?
3. Baibo Nan Ha Tie
(Ihuẹnlo 4) Pr 12:1-20 (th iluẹmhin 5)
4. Munhẹn Ne Ọria Ha Zilo
(Ihuẹnlo 2) ITẸMHỌN OSẸNOBULUA RẸ NA BHI UWA RẸ SẸBHI UWA. (lmd uduọle 4 bhi iluẹmhin 1)
5. Munhẹn Ne Ọria Ha Zilo
(Ihuẹnlo 3) ITẸMHỌN OSẸNOBULUA RẸ NA BHI UWA RẸ SẸBHI UWA. Taman ọne ọria ẹmhọn Baibo nin mhan man ẹbho le. (lmd uduọle 4 bhi iluẹmhin 5)
6. Afikie Yo
(Ihuẹnlo 3) ITẸMHỌN OSẸNOBULUA NAN LU BHI ILỌNMHỌN UKPẸDẸ-UKPẸDẸ. Re wẹbsaiti nọnsẹmhan man ọria nọn mhọn imọn. (lmd uduọle 3 bhi iluẹmhin 9)
7. Ebi Uwẹ Ha Rẹ Gbotọ Emhin Nin Uwẹ Rẹọ I Fanọn An Man Ẹbho Yẹ
(Ihuẹnlo 3) Arẹman. Uhọnmhọn-ọta nọnzi 3 bhi ijwfq—Uhọnmhọn-ọta: Uwẹ Be Rẹọbhọ Ghe Oga Nin Uwẹ Ye Ọkpa Hi Oga Ọsi Ẹmhọanta? (lmd uduọle 3 bhi iluẹmhin 4)
Illo 21
8. Jehova Dẹ Rẹkpa Uwẹ Rẹ Sabọ Ziengbe Sade Uwẹ Bha Miẹn Rẹ Lu
(Ihuẹnlo 15) Izilo.
Uwẹ be kpokpo egbe ba ẹmhọn ebi uwẹ ha rẹ miẹn iwẹnna yẹ, la si a dẹ khu uwẹ bhi isi iwẹnna? La uwẹ be kpokpo egbe ba ẹmhọn ebi uwẹ ha rẹ miẹn igho nọn ha sẹ uwẹ rẹ ha gbẹloghe egbe nian bi ọne uwẹ ha rẹ ha gbẹloghe egbe sade uwẹ ki dọnmanlẹn? Uwẹde nin emhin ki rẹ ha ghan bhi otọ ọne agbọn nan rebhe wo ha re ẹjẹje fidenọ. Ọkpakinọn, Jehova taman mhan ghe, mhan ha mun ẹmhọn ọlẹn kalo bhi iẹnlẹn, ọle dẹ wo ha gbẹloghe mhan—aharẹmiẹn ranmhude emhin nọn fidenọ mhan bha yẹ miẹn igho nin mhan ha rẹ ha gbẹloghe egbe.—Ps 46:1-3; 127:2; Mt 6:31-33.
Re Ọne IVIDIO Man Natiọle, A Bha Miẹn Ẹghe Nin Jehova Rẹ Fi Mhan Ehọ A. Bha ha ki ghe ọle fo, nọọn ọne inọnta nan:
Be uwẹ miẹn luẹ bhi isẹlobhemhin ọsi obhio mhan nin Alvarado?
Tie 1 Timoti 5:8. Bha ha ki tie ọle fo, nọọn ọne inọnta nan:
Be ọne ulọnlẹn nan rẹ ziẹn uwẹ urẹọbhọ yẹ ghe, Jehova dẹ wo ha gbẹloghe ẹbho ne ga ọle?
Fẹ adia eso bhi Baibo ne ha sabọ rẹkpa uwẹ rẹ ziengbe sade uwẹ bha miẹn rẹ lu:
De obọ re bhi iẹnlẹn. Rẹban osa nan lu bi nan rẹ ha de emhin ne bha khẹke.—Mt 6:22
Zẹ iwẹnna la isiku nọn ha re otọ nin uwẹ rẹ ha mun ẹmhọn oga nọnsi Jehova kalo bhi iẹnlẹn—Fil 1:9-11
Ha mhọn idegbere, uwẹ ha yẹ ha nyẹnlẹn beji idia nin uwẹ da ka egbe ẹ re dia. Ahamiẹn uwẹ i yẹ mhọn iwẹnna, guanọ iwẹnna ọbhebhe nin uwẹ ha lu. Uwẹ dẹ sabọ guanọ ọne ọbha kpanọ gbe nọn ha sabọ rẹkpa uwẹ rẹ miẹn ebi uwẹ ha rẹ ha gbẹloghe azagba-uwa nọnsẹ.—Pr 14:23
Ha mhọn ọkhọle nin uwẹ rẹ gha nin ẹbho nekẹle bhi ebi uwẹ mhọnlẹn, aharẹmiẹn uwẹ i manman mhọn emhin.—Hib 13:16
9. Iluẹmhin Baibo Ọsi Agbotu
(Ihuẹnlo 30) bt uhọnmhọnlẹn 26 ¶1-8, bi ẹkpẹti nọn ribhi apapale 204 bi 208