UNYẸNMHIN NỌN KHẸKE ENE RẸKHAN IJESU
Enebiẹmọn—Bha Rẹkpa Imọn Nesẹbha Ha Mhọn Ẹwanlẹn Nọn Na Obọ Osẹnobulua Vae
Ọkpa bhi uwedẹ ne mhẹn nẹ nin enebiọmọn ha rẹ sabọ rẹkpa imọn nesele ha mhọn ewanlẹn nọn na obọ Osẹnobulua vae hi, nin ele rẹ rẹkpa ele rẹ sabọ ha miẹn elele bhi ikolo oga. Ebi ene ibhokhan daghe, ebi ele họn, bi ewanniẹn nin ele re ọbhi inọnta bhi ikolo oga rẹkpa ele rẹ ha luẹ ẹmhọn Jehova yẹ manman sikẹ ọle. (De 31:12, 13) Enebiọmọn, be ibha ha rẹ sabọ rẹkpa imọn nesẹbha yẹ nin ele da sabọ manman ha luẹ emhin bhi ikolo oga?
Bha dọnmhegbe rẹ ha yo ikolo oga bhi Kindọn Họọ.—Ps 22:22
Ji imọn nesẹ ha deba ibhio mhan gbẹghe bhi Kindọn Họọ ọkuẹsẹ a mun ikolo hẹn bi sade a zobọ bhọ fo.—Heb 10:25
Ji a miẹn ghe ọrebhe bhi azagba-uwa nọnsẹ mhọn emhin nan ha noo bhi ikolo oga, aharẹmiẹn ọne a printi nọn la ọnọn ribhi foni
Rẹkpa imọn nesẹ nin ele da sabọ mhanmhan ewanniẹn nin ele ha tobele ta bhi ikolo oga.—Mt 21:15, 16
Ha ta ọta esili rẹji ikolo oga nesẹmhan bi emhin nin uwẹ luẹ bhọ
Rẹkpa imọn nesẹ nin ele da sabọ ha deba khiẹnkhiẹn Kindọn Họọ yẹ guẹ rẹ ha ne ene wanre bhi agbotu talọ
Bhi ọsi ẹmhọanta, ọ iyi obhi ẹsọn khere nin bha rẹ rẹkpa imọn nesẹbha rẹ sabọ deba Jehova ha mhọn ikolu, ọ dẹ sabọ re egbe lọ bha ẹgheso. Sokpan, lẹn sẹbhọ ghe, Jehova dẹ rẹkpa bha.—Isa 40:29.
GHE ỌNE IVIDIO NATIỌLE ENEBIỌMỌN, BHA MUN UDU NYAN JEHOVA NIN ỌLE RE AHU NIN BHA. BHA HA KI GHE ỌLE FO, WANNIẸN ENE INỌNTA NAN:
Be emhin dia Zack bi Leah bhi egbe yẹ ẹghe nin egbe rẹ lọ ele?
Bezẹle nọn da khẹke nin enebiọmọn ha bhii Jehova nọn re ahu nin ele?
Be Zack bi Leah ki rẹ mun udu nyan Jehova yẹ nọn rẹkpa ele?