UNYẸNMHIN NỌN KHẸKE ENE RẸKHAN IJESU
Ẹbho Nin Emhin Gbe Ele Ahu Sotọ, Jehova Miẹn Ele Fan
Mhan rebhe mhọn ẹghe nin mhan irẹ ghọnghọn. Sokpan ọ bha rẹman ghe mhan imhọn urẹọbhọ. Jehova tobọle bhọ mhọn ẹghe nin ọle irẹ ghọnghọn. (Ge 6:5, 6) Sokpan, ahakimiẹn ghe ẹghe rebhe mhan irẹ wo ghọnghọn kii?
Bhii Jehova nin ọle rẹkpa uwẹ. Ọ yẹẹ Jehova rẹ lẹn ebi mhan ria bhi ọkhọle bi ebi emhin dia mhan yẹ bhi egbe. Ọle lẹn ẹghe nin mhan rẹ ghọnghọn bi ẹghe nin mhan irẹ ghọnghọn. Ọle lẹn otọ ebezẹle nin mhan da ria ebi mhan ria bhi ọkhọle bi ebi emhin dia mhan yẹ bhi egbe. (Ps 7:9b) Ọnọn ke okhun nẹ hi, ẹmhọn mhan rẹtẹ Jehova. Sẹyẹ, ọle dẹ sabọ rẹkpa mhan khọn emhin ne ire mhan ghọnghọn la re egbe iẹnlẹn lọ mhan.—Ps 34:18.
Gbega ọkhọle nọnsẹ. Iria-eria ne gbe ahu dẹ sabọ si ọbalọ ji mhan yẹ re imhan miẹn ghe, mhan iyẹ ga nọnsẹn. Bhiriọ ọkhẹke nin mhan gbega ọkhọle nọnsẹmhan, ranmhude ọle dia iẹnlẹn nọnsẹmhan.—Pr 4:23.
GHE ỌNE IVIDIO NATIỌLE EBI IBHIO MHAN RẸ SABỌ HA MHỌN ỌFURE YẸ ARẸMIẸN EGBE IẸNLẸN LỌ ELE. BHA HA KI GHE ỌLE FO, WANNIẸN ENE INỌNTA NAN:
Emhin nela Nikki lu nin ọle da sabọ khọn iria-eria ne gbe ahu?
Bezẹle nin Nikki da ha riale ghe ọkhẹke nin ọle dọ bu dọkitọ?—Mt 9:12
Uwedẹ nela Nikki rẹ rẹman ghe ọle mun udu nyan Jehova nọn rẹkpa ọle?