UNYẸNMHIN NỌN KHẸKE ENE RẸKHAN IJESU
Mun Udu Nyan Jehova Sade Uwẹ Ne Ọria Nọn Zuọzuọ Uwẹ Lu Emhin
Ẹbho ne zuọzuọ ọria dẹ sabọ lu mhan emhin nọn ha ba mhan bhi egbe. Ele dẹ sabọ wẹghẹ urẹọbhọ nọnsẹmhan an ahamiẹn mhan ji ofẹn ele da ha mun mhan sade ele mun idobolo ọbhi oga nin mhan re nin Jehova. Be imhan ha rẹ sabọ gbega egbe mhan yẹ bhi obọ ene zuọzuọ mhan?
Esali Jehova ne bunbun sẹ wo sabọ khọn ene zuọzuọ ele miotọ ranmhude ele mun udu nyan Jehova. (Ps 18:17) Bhi ọsi ijiẹmhin, Ẹsta da taman ọnojie emhanmhan nin Heman nin okpea ọbe rẹ ha mhọnlẹn. (Es 7:1-6) Ọkuẹsẹ ọle lu iriọ, ọle da fi azimin nin ọle rẹ rẹman ghe ọle mun udu nyan Jehova. (Es 4:14-16) Jehova da nan erọnmhọn ọbhi ebi Ẹsta lu yẹ gbega ọle bi ẹbho nesọle.
Ọlasẹre, ahamiẹn ghe ọria ribhọ nọn zuọzuọ uwẹ, bhii Jehova nin ọle rẹkpa uwẹ, uwẹ ha yẹ taman ọria nọn wanre bii, aba ẹ bi inẹn ẹn ebe sunu ji uwẹ. Lẹn sẹbhọ ghe, Jehova dẹ yẹ rẹkpa uwẹ beji ọle rẹ rẹkpa Ẹsta. Emhin ọbhebhe nela ha sabọ rẹkpa uwẹ sade ọria zuọzuọ uwẹ?
GHE ỌNE IVIDIO NATIỌLE ẸGHE USẸN—BE IMẸN HA LU YẸ SADE A ZUỌZUỌ MẸN? BHA HA KI GHE ỌLE FO, WANNIẸN ENE INỌNTA NAN:
Be elasẹre ha miẹn luẹ bhi obọ Charlie bi Ferin?
Be enebiọmọn ha miẹn luẹ bhi ọta nin Charlie bi Ferin tale rẹji ebi ele ha rẹ sabọ rẹkpa imọn nesele yẹ sade ọria zuọzuọ ele?